༄༅།། ཚོགས་ལ་དབྱེ་ན་གཉིས་ཡོད། བསོད་ནམས་ཀྱི་ཚོགས་དང་ཡེ་ཤེས་ཀྱི་ཚོགས་རེད། སངས་རྒྱས་དང་བྱང་ཆུབ་སེམས་པ་རྣམས་ལ་ཚོགས་འབུལ་ན་སོ་སོ་རང་ཉིད་ལ་བསོད་ནམས་བསག་གི་རེད།
གནམ་གང་ཉིན་ངའི་ཨ་མ་ལགས་ཀྱིས་གསོལ་ཚོགས་བཞེངས་དུས་དང་པོ་ཀ་ཏོ་ར་གཙང་མ་ཞིག་ནང་བོད་མི་རིགས་ཀྱི་ཐུན་མོང་མ་ཡིན་པའི་ཟས་མཆོག དཀར་གཙང་ནས་ཀྱི་རྩམ་པ་བྱུགས་རྗེས་དེའི་ནང་མར་ཁུ་དང་བུ་རམ། བྱེ་མ་ཀ་ར། སྦྲང་རྩི། ཕྱུ་ར། ཆང་ཕུད། ཇ་ཕུད་སོགས་བླུགས་ནས་འབོལ་འབོལ་ཡག་པོ་བྱས་སོང་། དེ་རྗེས་གསོལ་ཚོགས་ཀྱི་བཟོ་བལྟ་བཟོས་གནང་སོང་། གསོལ་ཚོགས་བཞེངས་ཚར་རྗེས་དེའི་རྩེ་ལ་དམར་རྩི་བྱུགས། དེ་ནས་མར་དཀར་པོའི་དཀར་རྒྱན་གསུམ་རེ་བརྒྱབ་སོང། སྡེར་མ་གཅིག་ནང་གསོལ་ཚོགས་རྣམས་བཞགས་ཏེ་དེའི་གཡས་གཡོན་ལ་ཚོགས་རྫས་ཤིང་ཏོག་སྐམ་པའི་རིགས་དང་མངར་ཆའི་རིགས། ཁ་ཟས་ཀྱི་ཕུད། སྟར་ཁའི་ནང་རྩིའི་རིགས། ཕྱུ་ར་མངར་མོ་སོགས་བྱུགས་ནས་མཆོད་གཤོམ་ནང་སྨོན་ལམ་ཡག་པོ་བརྒྱབ་ནས་ཕུལ་སོང་།
༄༅།། གངས་ནི་དཀར་ཞིང་མཛེས། གངས་ནི་གནམ་གཤིས་གྲང་ས་དང་མཐོ་ས་ལ་བབ་ཀྱི་ཡོད། ང་ནི་གངས་ལ་རྩེད་མོ་རྩེད་རྒྱུར་ཤིན་ཏུ་དགའ། གངས་ལ་ཐོག་མར་ལག་པ་འཆང་དུས་གྲང་མོ་ཞེ་དྲག་འདུག འོན་ཀྱང་ལག་པ་འཆང་བཞིན་འཆང་བཞིན་གྲང་ངར་མེད་པར་ཚ་སོབ་སོབ་སྐྱིད་པོ་ཞིག་ཚོར་གྱི་འདུག
རྡ་རམ་ས་ལ་གངས་བབས་དུས་ས་གཞི་ཡོངས་རྫོགས་དར་རས་དཀར་པོ་གཡོག་པ་དང་འདྲ། གཡས་གཡོན་གང་ས་ནས་གངས་ལ་ལྟད་མོ་བལྟ་མཁན་ཧ་ཅང་མང་པོ་སླེབས་ཀྱི་རེད། མི་ཁ་ཤས་ཀྱིས་གངས་ཀྱི་མི་བཟོས་ཀྱི་ཡོད་པ་དང་། ལ་ལས་གངས་ལ་འཁྱགས་ཤུད་བཏང་བ། འགའ་ཤས་ཀྱིས་གངས་རིལ་རིལ་བཟོས་ནས་ཕན་ཚུན་བཞུས་རེ་རྩེད་ཀྱི་ཡོད། མི་རྣམས་གངས་ལ་རྩེད་མོ་རྩེ་རྒྱུར་ཤིན་ཏུ་དགའ། འོན་ཀྱང་ཁ་བ་བབས་པའི་རྗེས་ལ་འགྲིམ་འགྲུལ་ལ་དོ་སྣང་མ་བྱས་ན་ཆག་སྒོ་ཡོང་གི་རེད།
