Saturday, November 21, 2015

གློག

༄༅།། གློག་ནི་དངོས་པོ་གལ་ཆེན་པོ་ཞིག་རེད། གློག་མེད་ན་མི་མང་ཆེ་བ་གསོན་པོར་བསྡད་ཐུབ་ཀྱི་མ་རེད། གློག་ལ་དབྱིན་ཇིའི་སྐད་ནང་(Electricity)ཟེར་གྱི་ཡོད། ད་དུང་དེང་སང་ལས་ཀ་མེང་ཆེ་བ་ལ་གློག་དགོས་པ་རེད།

Tuesday, September 22, 2015

རྒྱལ་པོ་དང་སྨན་པ།

༄༅།། སྔོན་སྨན་པ་བཀྲ་ཤིས་ཟེར་པ་ཞིག་ཡོད། སྨན་པ་དེ་ན་ཚ་ངོས་འཛིན་དང། སྨན་ལ་ཧ་ཅང་མཁས་པོ་ཡོད་པས། མི་མང་པོའི་སྲོག་བསྐྱབས་མྱོང་ཡོད། དེར་བརྟེན་མི་ཚང་མས་ཁོང་ལ་དགའ་པོ་དང་བརྩི་བཀུར་བྱེད་ཀྱི་ཡོད། ཡིན་ནའི་རྒྱལ་པོ་སྨན་པ་ལ་བཀྲ་ཤིས་ལ་དགའ་པོ་མེད། བྱས་ཙང་ཉི་མ་གཅིག་རྒྱལ་པོས་སྨན་པ་བཀྲ་ཤིས་ཀྱི་ནང་ལ་ཕེབས་ཏེ། གལ་སྲིད་ཁྱེད་རང་གིས་ལུང་པ་གཞན་སྡེའི་མི་བསྐྱབ་ན་ཁྱེད་རང་སྲོག་ཐོག་བཏང་གི་ཡིན་ཅེས་གསུངས།

Wednesday, July 8, 2015

ངའི་ཨོ་སི་ཊོར་ལི་ལ་ཡའི་(Australia)སྐྱེ་སྐར་དང་པོའི་ཉིན་ཐོ།

༄༅།། ངའི་ཨོ་སི་ཊོར་ལི་ལ་ཡའི་སྐྱེ་སྐར་དང་པོ་ནི། ༢༠༡༥།༧།༥ པ་ལ་རེད། དངོས་གནས་བྱེད་ན། ངའི་སྐྱེ་སྐར་ཚེས་ ༡༩ ལ་རེད། ཡིན་ནའི་ཚེས་དེ་དགུན་ཁའི་གུང་སེང་མཉམ་དུ་འཁེལ་གྱི་མི་འདུག བྱས་ཙང་ངའི་སྐྱེ་སྐར་༧།༥ ལ་བཏང་ན། གཟའ་ཉི་མ་ཡིན་པས་མི་ཚང་མ་སྐྱིད་པོའི་ངང་བསྡད་ན་འགྲིག་གི་ཡོད།

Sunday, June 28, 2015

ཤེལ་སྒོ།

༄༅།། ཤེལ་སྒོ་ནི་དངོས་པོ་ཕྱི་གསལ་ནང་གསལ་ཞིག་རེད། ཤེལ་སྒོ་ནི་བྱེ་མས་བཟོ་གི་ཡོད་པ་དང་བྱེ་མ་ཧ་ཅང་ཚ་བོ་བཟོས་དུས་བཞུར་གྱི་ཡོད། བྱེ་མ་བཞུར་ཚར་བ་དེ་གྲང་མོ་ཆགས་དུས་ཤེལ་སྒོ་ཆགས་ཀྱི་རེད།
  ཤེལ་སྒོ་ལ་རིགས་མང་པོ་ཡོད། ཤེལ་སྒོ་ཡི་རིགས་གཅིག་ནི་གདོང་ཤེལ་རེད། གདོང་ཤེལ་ནང་ནས་ཁྱེད་རང་གི་གཟུགས་པོ་དང་དངོས་པོ་མཐོང་ཐུབ་ཀྱི་ཡོད།ཤེལ་སྒོའི་རིགས་དེ་དག་བེད་སྤྱོད་མང་པོ་བཏང་གི་ཡོད།
  

Friday, May 29, 2015

ཆམ་པ།

༄༅།། ཆམ་པ་ནི་སྤྱིར་བཏང་གི་ན་ཚ་རེད། ཆམ་པ་ནི་ནམ་དུས་ཚང་མར་ཡོང་བའི་ན་ཚ་ཡིན། ལྷག་པར་དགུན་ཁའི་སྐབས་སུ། མི་མང་པོ་ཆམ་པ་ན་ཡི་ཡོད། གལ་སྲིད་ཁྱེད་རང་ལ་ཆམ་པ་འཕོག་ན། གློ་བརྒྱབ་པ་དང་། མགོ་ན་བ། མཚམས་རེ་ཚ་བ་འབར་པ་བཅས་བྱུང་གི་རེད།

བདུན་ཕྲག་འདིའི་ནང་དམིགས་བསལ་གཉིས་བྱུང་བ།

༄༅།། བདུན་ཕྲག་འདིའི་ནང་༼༢༠༡༥ ཟླ་ ༥ ཚེས་ ༡༠ ནས་ ༡༦ བར་༽དམིགས་བསལ་གནས་ཚུལ་གཉིས་བྱུང་སོང།
  དམིགས་བསལ་གནས་ཚུལ་དང་པོ་ནི་ང་དང། ངའི་འཛིན་གྲྭའི་ནང་གི་སློབ་ཕྲུག་ཚང་མ་མཐོ་རིམ་སློབ་འབྲིང་ལ་འགྲོ་དགོས་པ་དེ་རེད། དེ་ཡང་། དབྱིན་ཇིའི་སློབ་ཚན་སྐབས་སུ། ང་ཚོའི་རྒན་ལགས་ཀྱིས་མཐོ་རིམ་སློབ་འབྲིང་སྐོར་ལ་སྐད་ཆ་བཤད་སོང། དེ་རྗེས་རྒན་ལགས་ཀྱིས་ང་ཚོ་ལ་ཤོག་བུ་ཞིག་སྤྲད་སོང། ཤོག་བུ་དེའི་ནང་། ང་ཚོ་མགྱོགས་པོ་གཞི་རིམ་སློབ་གྲྭ་ནས་མཐོ་རིམ་སློབ་འབྲིང་ལ་འགྲོ་དགོས་རེད་ཅེས་ལབ་འདུག ཐོག་མར་ཤོག་བུ་དེ་མཐོང་དུས་ང་དང་ངའི་འཛིན་གྲོགས་ཚོའི་སེམས་ནང་ལ། དེ་ནི་རྒན་ལགས་ཀྱིས་ང་ཚོ་ལ་སྦྱོང་བརྡར་སྤྲོད་ཆེད། བེད་སྤྱོད་གཏོང་རྒྱུའི་རྒྱུ་ཆ་ཞིག་རེད་བསམ་བྱུང་། ངའི་འཛིན་གྲོགས་གཅིག་གིས་ཤོག་བུ་དེའི་ནང་དོན་དངོས་གནས་རེད་མ་རེད། སྐད་ཆ་བྲིས་སོང། ང་ཚོའི་རྒན་ལགས་ཀྱིས། དངོས་གནས་རེད་ཅེས་གསུངས་སོང། དེ་གོ་བས་ང་དང་ངའི་འཛིན་གྲོགས་མང་ཆེ་བ་ཧོན་འཐོར་བྱུང་ངོ་།

Saturday, May 9, 2015

བདུན་ཕྲག་འདིའི་ཉིན་ཐོ།

༄༅།། ད་རེས་ཀྱི་གཟའ་སྤེན་པ་ནི་ཉིན་མ་སྐྱིད་པོ་ཞིག་རེད་འདུག ཉི་མ་ཤར་པ་མ་ཟད། ཉིན་གང་སྒྲུང་དེབ་ཀློག་ནས་བསྡད་པ་ཡིན། ནམ་རྒྱུན་པཱ་ལགས་ང་གཉིས་ཉོབ་ཆ་བརྒྱབ་བར་འགྲོ་ཡི་ཡོད། འོན་ཀྱང་དེ་རིང་ངེད་གཉིས་ཕྱིན་མེད།

Monday, April 20, 2015

མི་མགོ་ལེབ། ལེའུ་གཉིས་པ།

༄༅།། སྔོན་ཡང་མི་མགོ་ལེབ་ལ་སྦྱིན་བདག་གསར་པ་ཞིག་ཡོད། སྦྱིན་བདག་དེས་ཁོ་རང་གི་ལྡུམ་ར་ནང་ལ། འབུ་དམར་བླུག་གི་ཡོད། མི་མགོ་ལེབ་ཀྱིས་ཁོ་རང་གི་སྦྱིན་བདག་ལ། སྦྱིན་བདག་ལགས། ཁྱེད་རང་གིས་འབུ་དམར་མེ་ཏོག་གི་སའི་ནང་ལ་ག་རེ་བྱེད་ནས་བླུགས་ཀྱི་ཡོད་དམ། ལབ་སྐབས། སྦྱིན་བདག་གིས་ཕར། མི་མགོ་ལེབ། འབུ་མར་གྱིས། ས་ཡག་པོ་བཟོ་བ་དང་རྩི་ཤིང་མགྱོགས་པོ་སྐྱེ་རྒྱུར་ཕན་ཐོགས་བྱེད་ཀྱི་ཡོད་ཅེས་ཟེར། ཉིན་གཅིག་སྦྱིན་བདག་གིས། ཁོ་རང་གི་ཁྱི་ཕྲུག་མཉམ་དུ་རྩེད་མོ་རྩེས་ཀྱི་ཡོད། སྦྱིན་བདག་གིས་ཁྱི་ཕྲུག་ལ། ཁྱེད་རང་ཆེན་པོ་མགྱོགས་པོ་ཆགས་ན། ང་གཉིས་མཉམ་དུ་རྩེད་མོ་མང་པོ་རྩེས་ཐུབ་ཀྱི་རེད། ཅེས་ལབ། མི་མགོ་ལེབ་ཀྱིས། སྐད་ཆ་ཚང་མ་གོ་ཡོད་པ་མ་ཟད། མི་མགོ་ལེབ་ཀྱིས། བསམ་པར། ཁྱི་ཕྲུག་དེ་ལ་འབུ་དམར་སྤྲད་ན་མགྱོགས་པོ་ཆེན་པོ་ཆགས་ཀྱི་རེད་བསམ། བྱས་ཙང། ཉིན་རྟག་པར། མི་མགོ་ལེབ་ཀྱིས། ཁྱི་ཕྲུག་ལ་འབུ་དམར་སྤྲད་ཀྱི་ཡོད། བདུན་ཕྲག་གཅིག་ཙམ་རྗེས་ལ། སྦྱིན་བདག་གིས་མི་མགོ་ལེབ་ག་རེ་བྱེད་ཀྱི་ཡོད་པ་མཐོང་བས། སྦྱིན་བདག་གིས་མི་མགོ་ལེབ་ལ་གཤེ་གཤེ་དྲ་མ་བཏང་རེད། རྗེས་ལ་མི་མགོ་ལེབ་ཀྱིས་ཕར་སྦྱིན་བདག་ལ། སྦྱིན་བདག་ལགས། སྦྱིན་བདག་ཁྱེད་རང་གིས་འབུ་དམར་ཀྱིས་སེམས་ཅན་མགྱོགས་པ་ཆེན་པོ་ཆགས་བཅུག་གི་རེད། གསུང་གནང་ཙང་། ངས་ཁྱེད་རང་གི་ཁྱི་དེ་མགྱོགས་པོ་ཆེན་པོ་ཆགས་རོགས་བྱས་ན་བསམས་ནས་འབུ་དམར་སྤྲད་པ་ཡིན། ཞེས་ལབ་སྐབས་སྦྱིན་བདག་གིས་མི་མགོ་ལེབ་ལ་ཉིན་གཅིག་ཉིན་གང་གཤེ་གཤེ་བཏང་པ་རེད།

  ཉིན་གཅིག་མི་མགོ་ལེབ་འཆམ་འཆམ་ལ་ཕྱིན་སྐབས་སྐྱེ་དམན་ཞིག་གིས། མི་གཅིག་དེད་ཀྱི་ཡོད། ཡིན་ནའི་མི་མགོ་ལེབ་ཀྱི་བསམ་པ་ལ། སྐྱེ་དམན་དེས་མི་མགོ་ལེབ་ཁོ་རང་དེད་ཀྱི་ཡོད་རེད་བསམ་ནས། མི་མགོ་ལེབ་བྲོས་ཕྱིན་པ་རེད། མི་མགོ་ལེབ་ཀྱི་འཁྲིས་ལ་སྐྱེ་དམན་གྱིས་དེད་བཞིན་པའི་མི་དེ་རྒྱུག་ཤར་གློད་ཀྱི་ཡོད་པ་རེད། མི་མགོ་ལེབ་ཀྱིས། མི་དེ་ག་རེ་བྱས་ནས་རྒྱུག་ཤར་གློད་ཀྱི་ཡོད་དམ། ཞེས་ལབ། མི་མགོ་ལེབ་ཀྱིས་ལབ་ཚར་སྐབས། མི་དེས། མི་མགོ་ལེབ་མར་གཡུག་ནས། ངས་ལྟོ་ཕད་དེ་རྐུ་མ་བརྐུས་པ་ཡིན་ལབ་ནས་བྲོས་ཕྱིན་པ་རེད། དེ་རྗེས་མི་མགོ་ལེབ་ཀྱིས་མགོ་མ་ཚོད་པར་ཁོ་རང་གི་སྦྱིན་བདག་ལ་གནས་ཚུལ་ཚང་མ་ལབ། ཡིན་ནའི་སྦྱིན་བདག་བགད་མོ་ཤོར་ཐག་ཆོས་ནས་རིལ་པ་རེད། རྒྱུ་མཚན་དེ་ཡིས་མི་མགོ་ལེབ་ཀྱིས་དུས་ཚོད་མང་ཆེ་བ་ཡི་གེ་སྦྱང་ནས་བསྡད་དོ།། །།

Saturday, April 4, 2015

ཉིན་ཐོ། ༢༠༡༥།༤།༤

༄༅།། དེ་རིང་ནི་ང་ཚོའི་ (Easter) ཡི་གུང་སེང་ཉིན་གཉིས་པ་རེད། དེ་རིང་གནམ་གཤིས་ཡག་པོ་མི་འདུག ཞོགས་པ་ནས་ཆར་པ་བབས་པ་མ་ཟད། ནམ་མཁའ་ཡོངས་སུ་སྤྲིན་པས་བཀབ་འདུག ང་ཆུ་ཚོད་བདུན་དང་ཕྱེད་ཀ་ལ་གཉིད་སད་སོང། དེ་དུས་ངའི་ཨ་ཅག་གཉིད་སྐྱིད་པོ་ཁུགས་ནས་བསྡད་འདུག ངས་དབྱིན་སྐད་ཀྱི་སྒྲུང་དེབ་ཅིག་འཁྱེར་ནས། ངའི་པཱ་ལགས་དང་ཨ་མ་ལགས་ཀྱི་ཉལ་ཁང་ལ་ཕྱིན་པ་ཡིན། ངས་ཆུ་ཚོད་གཅིག་ཙམ་སྒྲུང་དེབ་ཀློག་པ་ཡིན། ང་སྒྲུང་དེབ་ཀློག་བཞིན་པའི་སྐབས། ངའི་པཱ་ལགས་ཀྱིས་གློག་ཆས་(Ipad)ནང་བོད་ཡིག་དཔེ་ཆ་ཀློག་གི་འདུག་པ་དང། ངའི་ཨ་མ་ལགས་ཞལ་ལག་བཟོས་གནང་གི་འདུག

Saturday, March 21, 2015

དེབ།

                    འཛམ་གླིང་འདི་ཡི་ནང་ལ
                    དེབ་རིགས་མང་པོ་ཡོད་ནའི

                    གོ་ལའི་མི་རིགས་རྣམས་ཀྱིས

                    འཕྲུལ་དེབ་ཅེས་པ་སྤྱོད་དོ


 

དེབ་རྣམས་ཤིང་གིས་བཟོས་ཞིང་།
མེ་དང་ཆུ་ནང་གཡུག་ན།
མྱུར་དུ་འཕྲོ་བརླག་འགྲོ་བས། 
ཤིང་སྡོང་བཅོམ་དང་ཆ་རེད།
                    དེབ་སྒང་ཡི་གེ་སྙན་ངག
                    རྩོམ་སྒྲུང་རི་མོ་བྲིས་ན

                    ཡག་པོ་ཡོད་པའི་མ་ཟད

                    ཤིང་ཡང་འཕྲོ་བརླག་མ་རེད

 


གལ་སྲིད་ཁྱེད་རང་དེབ་རྣམས
མེ་བསྲེགས་བྱེད་ཡ་ཡིན་ན
གོ་ལར་ཡག་པོ་མེད་པས

བསྐྱར་བཟོ་བྱས་ན་ཕན་ཐུབ།། །།

Friday, March 13, 2015

སྙིགས་ཟས།

  ༄༅།། སྙིགས་ཟས་ཞེས་པ་དེ་ནི་ཁ་ལག་ཡིན་ཞིང། དེ་ཁ་ལག་སྡུག་པའི་རིགས་གཅིག་རེད། སྙིགས་ཟས་ཀྱི་ཁ་ལག་རྣམས་གཟུགས་པོར་ཡག་པོ་མེད། རྒྱུ་མཚན་ནི་སྙིགས་ཟས་ནང་ཞགས་ཚིལ་དང། མངར་ཆ། ཚྭ། སོགས་མང་པོ་ཞེ་དྲགས་བླུགས་ཡོད། ད་དུང་སྙིགས་ཟས་མང་པོ་བཟས་ན། མི་ཤ་རྒྱགས་པ་དང། མདོག་ཉེས། ཁ་མང་པོ་སྐོམ་པ། གཅིན་པ་མང་པོ་བྲོ་བ། ན་ཚ་སྡུག་ཅག་དེ་འདྲ་ན་བ་སོགས་ཆགས་ཀྱིས་རེད།

Sunday, January 25, 2015

མཐིང་མདོག་རི་བོ་( Blue Mountain )ལ་ཕྱིན་པའི་ཉིན་མོ།

༄༅།། དེ་རིང་ནི་ཉིན་མོ་དམིགས་བསལ་ཞིག་ཡིན། ག་རེ་བྱེད་ནས་ཡིན་ཟེར་ན། ང་ཚོ་དེ་རིང་མཐིང་མདོག་རི་བོ་ལ་འགྲོ་ཡ་རེད། བྱས་ཙང་ང་དང། ངའི་ནང་མི་རྣམས་ཞོགས་པ་སྔ་པོར་ཡར་ལངས་པ་ཡིན། དེ་རྗེས་ང་དང། ངའི་ནང་མི་རྣམས། ལམ་ཁ་ལ་འགྲོ་སྟངས་དེ་ཚོ་དྲ་རྒྱའི་ནང་བལྟས་པ་ཡིན།

Thursday, January 15, 2015

ང་ཚོའི་ནང་གི་ཐང་ག།

༄༅།། ཐང་ག་ནི་བོད་པ་དང་ནང་པར་དངོས་པོ་གལ་ཆེན་པོ་ཞིག་ཡིན། ཐང་གའི་ནང་ ནང་པས་དད་པ་ཞུ་སའི་ལྷ་དང་མི་རྣམས་ཀྱི་གཟུགས་དཔར་ཡོད། ཐང་ག་ལ་རིགས་གཉིས་ཡོད། རིགས་དེ་གཉིས་ནི། ཐང་ག་བྲིས་མ་དང། ཐང་ག་འཚེམས་དྲུབས་ཡིན། ཐང་ག་བྲིས་མ་ནི། ལག་པས་རི་མོ་བྲིས་པ་ཞིག་ཡིན་པ་དང། འཚེམས་དྲུབས་དེ། འཚེམས་བུ་བརྒྱབ་ནས་བཟོས་པ་རེད། དེང་སང་ཐང་ག་ཁ་ཤས་དཔར་བརྒྱབ་ནས་བཟོས་པ་ཡང་འདུག།

Friday, January 9, 2015

ཨོ་སོ་ཊི་ཡིའི་གནམ་གཤིས།

༄༅།། ཨོ་སོ་ཊི་ལ་ཡ་ནི་གླིང་ཆེན་ཞིག་ཡིན་ལ། རྒྱལ་ཁབ་དེ་ནི་གླིང་ཆེན་སྐམ་ཤོས་ཀྱང་ཡིན། ཨོ་སོ་ཊི་ལ་ཡ་དེ་འཛམ་གླིང་གི། ལྷོ་ཡི་ཕྱོགས་ལ་ཡོད། དེའི་ནམ་དུས་བཞི་ནི་རྒྱལ་ཁབ་གཞན་དང་མི་འདྲ་བ་ཡིན། དཔེར་ན། རྒྱ་གར་ལ་དགུན་ཁ་ཤར་དུས། ཨོ་སོ་ཊི་ལ་ཡ་ལ་དབྱར་ཁ་ཡིན། ད་དུང་ཨོ་སོ་ཊི་ལ་ཡ་ནང་རི་ལ་མ་ཏོག། གངས་བབས་པ་ཁག་པོ་རེད།

Monday, January 5, 2015

ཉིན་ཐོ། ༢༠༡༤།༡༢།༤


༄༅།། དེ་རིང་གི་ཉིན་མོ་ནི་ངའི་ཕྱི་ཟླ་དང་པོའི་ཉིན་མ་སྐྱིད་ཤོས་ཤིག་ཡིན། ཉིན་མ་དེ་ནང་ང་དང་ངའི་ནང་མི་ཞོགས་ཇ་བཟས། དེ་རྗེས་ཞོགས་པའི་དུས་ཚོད་རྣམས་སློབ་སྦྱོང་ལ་བཏང་པ་ཡིན། དུས་ཚོད་དེ་ནང་ངས་དབྱིན་སྐད་ནང་རྩོམ་ཞིག་བྲིས། དེ་ནས་སྒྲུང་དེབ་ཀློག་ནས་བསྡད་པ་ཡིན།

Thursday, January 1, 2015

ཨོ་སེ་ཊི་ལི་ཡའི་ཕྱི་ལོའི་གནམ་གང་གི་ཉིན་ཐོ།

༄༅།། ཆུ་ཚོད་ ༢ པ་ལ་ང་དང་ངའི་ནང་མི་རྣམས་ཕྱི་ལོའི་ལོ་ ༢༠༡༤ ལོའི་ཟླ་ ༡༢ ཀྱི་ཚེས་ ༣༡ ཉིན་རྒྱབ་གནམ་གང་གི་ཤོག་སྦག་ལ་བལྟ་བར་ཕྱིན་པ་ཡིན། ང་ཚོ་མ་ཕྱིན་གོང་ཨ་མ་ལགས་དང་ངས་( Cake )བག་ལེབ་མངར་མོ་ཞིག་བཟོས་པ་ཡིན། ང་ཚོས་དཔར་ཆས་དང། གདན། རྔན་པ། ཁ་ལག སྒྲུང་དེབ། སྟོད་ཐུང་སོགས་དགོས་མཁོ་རྣམས་འཁྱེར་པ་ཡིན། ང་ཚོའི་མཉམ་དུ་ངའི་པཱ་ལགས་ཀྱི་སྤུན་མཆེད་ཁྱིམ་ཚང་གཉིས་མཉམ་དུ་ཕེབས་གནང་སོང།