ཉིན་ཐོ། ༢༠༡༢།༤།༡

༅༅།། དེ་རིང་ཞོགས་པ་ང་དལ་པོ་ངང་ཡེ་གི་ཀློག་པ་ཡིན། ཡང་དེ་རིང་ང་ཚོ་ཕྱི་ལོགས་ལ་འགྲོ་མཁན་ཡིན་པས་ཨ་མ་ལགས་ཀྱིས་སྔོན་ལ་ཞོགས་ཟས་བཟོས་པ་དང་རྗེས་ལ་ཉིན་གུང་ཞལ་ལག་བཟོས་སོང་། དེ་ནས་ཨ་མ་ང་གཉིས་ཆུ་ཚོད་༩དང་སྐར་མ་ ༣༥ ལ་མེག་ལོག་གྷན་ཇི་(MecLeod Ganj)ལ་ཕྱིན་པ་ཡིན། མེག་ལོག་གྷན་ཇི་ལ་སླེབས་དུས་པཱ་ལགས་ཀྱིས་གྲོགས་པོ་དབྱིན་ཇི་གཅིག་སྒུགས་བསྡད་དུས་ཧོབ་སྟེ་ཨ་ཅག་ལགས་ཀྱི་ཁ་པར་སླེབས་སོང་།
         སྐར་མ་ཉི་ཤུ་རྗེས་ལ་དབྱིན་ཇི་དེ་ལ་ཁ་པར་བཏང་པ་ཡིན། དབྱིན་ཇི་དེ་ལམ་སང་སླེབས་ཡོང་ལབ་སོང་། དེ་ནས་ཡང་ངའི་ཨ་ཅག་ལགས་ལ་ཁ་པར་བཏང་པ་ཡིན། སྐར་མ་ལྔ་ཙམ་རྗེས་ལ་དབྱིན་ཇི་དེ་སླེབས་སོང་། དེ་ནས་ང་ཚོ་གསུམ་རྡ་རམ་ཀོ་ཊ་ལ་ཕྱིན་པ་ཡིན། རྡ་རམ་ཀོ་ཊ་ལམ་ཁ་ནས་སྟག་མའི་མེ་ཏོག་མཐོང་སོང་། དེ་དབྱིན་ཇི་ཐོག་ནས་བསླབས་སོང་། དབྱིན་ཇིའི་ཐོག་ནས་སྟག་མ་མེ་ཏོག་ལ་(rhodo dendron)ཟེར་གྱི་འདུག
        དེ་ནས་ང་ཚོ་རྡ་རམ་ཀོ་ཊ་ལ་སླེབས་སོང་། ཡིན་ནའང་དེ་པི་ཙ་ཟ་ཁང་མ་རེད། ང་ཚོ་གོམ་པ་ཁ་ཤས་བརྒྱབ་པའི་རྗེས་ལ་ཕྲུ་གུའི་རྩེད་མོ་རྩེས་ས་ཞིག་འདུག དེ་ལ་ང་རྩེད་མོ་རྩེ་བར་ཕྱིན་པ་ཡིན། སྐར་མ་ ༣༥ རྗེས་ལ་ཟ་ཁང་དེ་ལ་ཕྱིན་པ་ཡིན། དེ་ནས་ཡར་ཕྱིན་ནས་ཞིང་ཁ་ཞིག་ལ་སླེབས་སོང་། ཞིང་ཁའི་ནང་ནས་སྦྲང་མ་དང་ཨ་མ་སྣུམ་ཚོང་མ་སོགས་འབུ་སྲིན་མང་པོ་མཐོང་སོང་། དེའི་གཡས་གཡོན་ཚང་མ་མེ་ཏོག་གི་ཁེངས་པ་མ་ཟད་མེ་ཏོག་སྙིང་རྗེ་མོ་འདུག


དེ་ནས་ཡར་ཕྱིན་པས་རྡོ་ཆེན་པོ་མང་པོ་འདུག ངས་རྡོ་ཆེ་ཤོས་གཅིག་སྒང་ལ་འཛེགས་པ་ཡིན། དེ་ནས་ཡར་ཕྱིན་པས་པི་ཙ་ཟ་ཁང་ལ་སླེབས་སོང་། དེ་ནས་པི་ཙ་གཉིས་མངགས་པ་ཡིན། དེ་ནས་པི་ཙ་སླེབས་རྒྱུ་མི་འདུག ང་ཉོབ་ཀྱི་འདུག་པས་ཞི་མི་གཉིས་དཔར་བརྒྱབ་པ་ཡིན། སྐར་མ་ ༦༥ རྗེས་ལ་གཞི་ནས་པི་ཙ་སླེབས་སོང་། ང་གྲོད་པ་ལྟོགས་སོང་། ད་ངས་དུམ་བུ་མང་པོ་བཟས་པ་ཡིན། དེ་ནས་པི་ཙ་བཟས་ཚཪ།

ཕ་གི་འོག་ལ་འགྲོ་ས་གཅིག་འདུག དེ་ནས་མར་ཕྱིན་པ་ཡིན། སྐར་མ་༢༥ རྗེས་ལ་བྷག་སུ་ལམ་ཁ་ཡོད་པས་བྷག་སུ་ལ་ཕྱིན་པ་ཡིན། བྷག་སུ་ལམ་ཁ་ནས་ཟ་ཁང་ཅིག་ལ་འགྲོ་ས་ཡིན་ལབ་འདུག དེ་ནས་སྐར་མ་ ༣༣ རྗེས་ལ་ང་ཚོ་བྷག་སུ་ལ་སླེབས་སོང་། དེ་རྗེས་བྷག་སུ་ནང་ཆུས་མ་དིམ་ས་ལ་ཆུ་བརྒལ་བ་ཡིན། སྐར་མ་ ༢༣ བར་ཆུ་བརྒལ་བ་ཡིན།

དེ་ནས་ང་ཚོ་གཙུག་ལག་ཁང་ལ་ཕྱིན་པ་ཡིན། གཙུག་ལག་ཁང་ནས་མཆོད་མཇལ་ཞུས་པ་ཡིན། དེ་ནས་ང་ཚོ་ནང་ལ་ལོག་པ་ཡིན།། །།