འབུ་ཆ་ག་པ།

༄༅།། གནའ་སྔ་མོ་སྤོ་སྤོ་ལགས་དང་རྨོ་ལགས་གཅིག་ཡོད། ཉིན་མ་རྟག་པར་ཁོང་གཉིས་ཀྱི་ཞིང་ཁ་ལ་གནོད་འཚེ་མང་པོ་ཡོང་གི་ཡོད།   ཉིན་མ་གཅིག་ཞིང་ཁ་ལ་གནོད་འཚེ་གཏོང་མཁན་འབུ་ཆ་ག་པ་ཡིན་པ་རྟོགས་པས་ཁོང་ཁྲོ་ལངས་ཐག་ཆོད་ནས་ཁྲོམ་ལ་འབུ་སྨན་ཉོ་བར་ཕྱིན་པ་རེད།  འབུ་སྨན་དེ་ཡི་དུས་ཚོད་ལ་མ་བལྟས་ནས་ཉོས་པ་རེད།  ནང་ལ་སླེབས་དུས་མགྱོགས་མྱུར་ངང་ཞིང་ཁའི་ནང་འབུ་སྨན་བརྒྱབ་པ་རེད།  འབུ་སྨན་དེ་དུས་ཚོད་ཡོལ་ཡོད་པས་ནུས་པ་མ་ཐོན་ནས་འབུ་གཅིག་ཀྱང་བསད་མ་ཐུབ་པ་རེད། 


 དེ་ནས་ཡང་རྨོ་རྨོ་ལགས་དང་སྤོ་སྤོ་ལགས་ཡང་བསྐྱར་ཁྲོམ་ལ་འབུ་སྨན་ཉོ་བར་ཕྱིན་པ་རེད།  འབུ་སྨན་ཉོས་དུས་ལམ་སེང་འབུ་སྨན་ག་རེ་ཡིན་ནའི་སྤྲད་དང་ལབ་པ་རེད། འབུ་སྨན་བཙོང་མཁན་གྱིས་ཞུ་ལུ་མ་གསོད་བྱེད་ཀྱི་འབུ་སྨན་བཙོང་པ་རེད།  རྨོ་རྨོ་དང་སྤོ་སྤོ་ལགས་ཀྱིས་མགྱོགས་མྱུར་ངང་ཞིང་ཁའི་ནང་འབུ་སྨན་དེ་གཏོར་པ་རེད། འབུ་སྨན་གཏོར་ཚར་དུས་ཡང་བསྐྱར་ཞིང་ཁའི་ནང་གི་འབུ་ཆ་ག་པ་གཅིག་ཀྱང་བསད་ཐུབ་མེད། ཁོང་གཉིས་འུ་ཐུག་ནས་ཉིན་མཚན་གཅིག་དཀའ་ལས་བརྒྱབ་སྟེ་འབུ་ཆ་ག་པ་གཉིས་འཇུས་ཐུབ་ཙམ་བྱུང་བ་རེད། སང་ཉིན་དེར་འབུ་དེ་གཉིས་ཤོག་སྒམ་ནང་བླུག་སྟེ་ཁྲོམ་ཐག་རིང་པོ་ཞིག་ལ་ཕྱིན་པ་རེད།  དེ་རྗེས་འབུ་སྨན་བཙོང་སར་སླེབས་དུས་ཤོག་སྒམ་ནང་ལྟ་སྐབས་འབུ་གཉིས་ཀ་ཤི་ཚར་བ་རེད།  ཁོ་གཉིས་དགའ་ཐག་ཆོད་ནས་འབུ་སྨན་མ་ཉོས་པར་ནང་ལ་ལོག་ཕྱིན་པ་རེད།   དེ་ནས་རྨོ་རྨོ་ལགས་དང་སྤོ་སྤོ་ལགས་ནང་ལ་སླེབས་དུས་ཞིང་ཁའི་ནང་འབུ་ཆ་ག་པ་ཤིན་ཏུ་མང་པོ་ལྷག་ཡོད་་པ་མཐོང་དུས་ཧང་སངས་ནས་ལུས་པ་རེད།། །།