མི་ཆོ་མེད།

༄༅།། གནའ་སྔ་མོ་མི་ཞིག་ཡོད། ཁོ་ཉིན་མ་རྟག་པར་ནང་ལ་བསྡད་ནས་ཆོ་མེད་ཀྱི་ལས་ཀ་རྐྱང་བྱེད་ཀྱི་ཡོད། ཉིན་ཞིག་ཁོའི་ནང་གི་གཡས་གཡོན་ལ་ཕྲུ་གུ་མང་པོ་འཛོམས་ནས་རྩེད་མོ་(Cricket)ཞེས་པ་དེ་རྩེས་ཀྱི་ཡོད། ཁོའི་སེམས་ནང་ཁོ་རང་ཡང་ཕྲུ་གུ་མཉམ་དུ་(Cricket)རྩེ་རྒྱུ་དྲན་པ་རེད།

   ཁོས་ཕྲུ་གུ་མཉམ་དུ་(Cricket)ཞེས་པ་དེ་རྩེས་པ་རེད། ཡིན་ནའང་ཁོ་ཕྲུ་གུ་ཆུང་ཆུང་གི་ལག་པ་ནས་ཕམ་ཉེས་བྱུང་པ་རེད། ཁོ་སེམས་སྐྱོ་ཐག་ཆོད་ནས་ནང་ལ་ལོག་པ་རེད།

   སང་ཉིན་དེར་ཁོའི་སེམས་ནང་ད་ང་ལས་ཀ་ཞིག་འཚོལ་དགོས་འདུག་བསམ་པ་རེད། ཁོས་འོ་མ་སྐྱེལ་མཁན་བྱས་ན་ཟླ་བ་རེར་སྒོར་༥༠༠༠རག་གི་ཡོད་པས་ལོ་རེར་སྒོར་༦༠༠༠༠ལྷག་རག་གི་ཡོད་པས་ཡག་པོ་ཞེ་དྲག་འདུག་སྙམ་པ་རེད།

ཨང་རྩིས་ལ་དགའ་བའི་སློབ་ཕྲུག་གཅིག་དང་ཚན་རིག་ལ་དགའ་བའི་སློབ་ཕྲུག་གཅིག

༄༅།། སློབ་གྲྭ་ཞིག་གི་ནང་ཨང་རྩིས་ལ་དགའ་བའི་སློབ་ཕྲུག་གཅིག་ཡོད་པ་དང་ཚན་རིག་ལ་དགའ་བའི་སློབ་ཕྲུག་གཅིག་ཡོད། ཁོ་གཉིས་ཉིན་མ་རྟག་པར་ཨང་རྩིས་དང་ཚན་རིག་བསླབ་རེས་བྱེད་པ་མ་གཏོགས། སློབ་ཚན་གཞན་དག་སྦྱངས་ཀྱི་མེད། 

   ཉིན་གཅིག་ཨང་རྩིས་ལ་དགའ་བའི་སློབ་ཕྲུག་དེའི་སེམས་ནང་ད་ང་ཨང་རྩིས་དང་ཚན་རིག་གཅིག་པུར་སྦྱངས་ཀྱི་མིན། ང་སྤྱི་ཚོགས་རིག་གནས་དང་གློག་ཀླད་ཀྱང་སྦྱངས་ཀྱི་ཡིན། བསམ་པ་རེད།

    ཉིན་གཅིག་ཨང་རྩིས་ལ་དགའ་བའི་སློབ་ཕྲུག་དེ་ཁྲོམ་ལ་འགྲོ་དུས་ཨ་མ་ལགས་ང་ལ་མཐེབ་སྡེར་དང་སྤྱི་ཚོགས་རིག་གནས་ཀྱི་ཀློག་དེབ་དགོས་ཞེས་ལབ་པ་རེད།

   ཨ་མས་ལམ་སེང་མཐེབ་སྡེར་བཙོང་སར་ཕྱིན་ནས་མཐེབ་སྡེར་ཡག་པོ་ཞིག་ཉོས་པ་མ་ཟད་དཔེ་ཚོང་ཁང་ནང་ཕྱིན་ནས་སྤྱི་ཚོགས་རིག་གནས་ཀྱི་ཀློག་དེབ་རིགས་ཚང་མ་ཉོས་ནས་ཨང་རྩིས་ལ་དགའ་བའི་བུ་དེ་ལ་སྤྲད་པ་རེད།

    སང་ཉིན་དེར་གློག་ཀླད་ཚོགས་ཐེངས་སྐབས་ཨང་རྩིས་ལ་དགའ་བའི་སློབ་ཕྲུག་དེས་རྒན་ལགས་ལ་ང་ཚོ་ད་ལྟ་སྦྱངས་བཞིན་པའི་(Typing)དེ་མཐེབ་སྡེར་དེའི་ནང་བཅུག་རོགས་གནང་དང་། ཅེས་ལབ་པ་རེད། རྒན་ལགས་ཀྱིས་གཟབ་ནན་ངང་མཐེབ་སྡེར་དེའི་ནང་ཨང་རྩིས་ལ་དགའ་བའི་སློབ་ཕྲུག་དེས་ལབ་པ་ནང་བཞིན་(Typing)དེ་བཅུག་གནང་པ་རེད། ཁོ་ནང་ལ་སླེབས་དུས་ཁོས་ཁོ་རང་ནང་གི་གློག་ཀླད་ནང་མཐེབ་སྡེར་དེ་གློག་ཀླད་ལ་སྒར་ནས་(Typing)སྦྱངས་པ་རེད།

བྱིས་པའི་ཉིན་མོ།

༄༅།། བྱིས་པའི་ཉིན་མོ་ནི་རྒྱ་གར་སྲིད་བློན་དང་པོ་ནེ་རུ་མཆོག་གི་འཁྲུངས་སྐར་ཡིན། ཁོང་ཕྲུ་གུ་ལ་མཉེས་པོ་ཞེ་དྲགས་ཡོད། བྱས་ཙང་ཁོང་གི་འཁྲུངས་ཚེས་ལ་རྒྱ་གར་གྱི་བྱིས་པའི་ཉིན་མོ་ལ་གཏན་འཁེལ་གནང་བ་རེད། ཡིན་ནའང་ང་ཚོ་བོད་པ་བཙན་འབྱོལ་ནང་གནས་ཡོད་པས། རྒྱ་གར་གྱི་བྱིས་པའི་ཉིན་མོ་སྲུང་བརྩི་ཞུ་ཡི་ཡོད་པ་རེད།

    ཕྱི་ལོ་ ༢༠༡༢ཟླ་བ་ ༡༡ཚེས་ ༡༤ཉིན་ང་ཞོགས་པ་གངས་སྐྱིད་མེས་དབོན་གཙུག་ལག་དཔེ་སྟོན་སློབ་གྲྭ་ལ་ཆུ་ཚོད་༩ པ་ཙམ་ལ་སྐྱིད་པོའི་ངང་ཕྱིན་པ་ཡིན། གང་ཡིན་ཟེར་ན་དེ་རིང་རྒན་ལགས་རྣམས་ཀྱིས་འཁྲབ་སྟོན་དང་སྤོ་ལོ་འགྲན་བསྡུར་ལྒང་ཕུག་གནམ་ལ་གཏོང་རྒྱུ་སོགས་རྩེད་མོ་སྣ་ཚོགས་ཡོད། གཞན་ཡང་གཟའ་ལྷག་པ་ཡིན་པས་ངས་བོད་བཟོའི་འོག་འཇུག་གྱོན་པ་ཡིན། 

ཞོགས་ཚོགས་སྐབས་ང་ཚོས་ཞལ་འདོན་གང་བློ་མ་དང་ས་བདག་རྒྱལ་པོ། མ་ཎི་ཕྲེང་སྐོར་གཅིག ༸རྒྱལ་བའི་ཞབས་བརྟན་བཅས་སྐྱོར་པ་དང་བསང་གསོལ་བཏང་པ་ཡིན། ༸རྒྱལ་བའི་ཞབས་བརྟན་སྐྱོར་དགོས་དོན་ནི་དེ་རིང་༧གོང་ས་སྐྱབས་མགོན་ཆེན་པོ་མཆོག་གི་སྐུའི་བླ་གཟའ་ཡིན། ཞོགས་ཚོགས་ཚར་རྗེས་རྒན་ལགས་ཀྱིས་གསུང་གསལ་ལ་དེ་རིང་གི་བྱིས་པའི་ཉིན་མོ་དེ་དམིགས་བསལ་ཞེ་དྲགས་བཏང་གི་མིན། གང་ཡིན་ཟེར་ན་བོད་ནང་ད་བར་བོད་མི་༧༠ལྷག་གིས་རང་ལུས་མེར་བསྲེགས་བཏང་བ་རེད་ཅེས་གསུངས་སོང་། ལྷག་པར་དུ་ངག་བཅད་མྱ་ངན་གུད་བཏུད་སྐར་མ་གཅིག་རིང་བྱེད་དུ་བཅུག་སོང།

ལྷ་བབས་དུས་ཆེན། བོད་ཟླ་ ༩ ཚེས་ ༢༢

  ༄༅།། ལྷ་བབས་དུས་ཆེན་ནི་སངས་རྒྱས་བཅོམ་ལྡན་འདས་ཀྱིས་ལྷ་ཡུལ་དུ་ཡུམ་ལ་ཆོས་གསུངས་ནས་སླར་མི་ཡུལ་ལ་ཕེབས་པའི་རྩ་ཆེན་གྱི་ཉིན་མོ་དེ་རེད། དེའི་ཉིན་ཨ་མ་ལགས་ང་གཉིས་ཞོགས་པ་སྔ་པོ་ལངས་ནས་ཞལ་འདོན་སྐྱོར་པ་ཡིན།

     དེ་རྗེས་ཨ་མ་ལགས་ང་གཉིས་ཞོགས་ཟས་ཚར་རྗེས་མོ་ཊའི་ནང་མེག་ལོར་གྷན་ཇི་ལ་ཕྱིན་པ་ཡིན། མེག་ལོག་གྷན་ཇིའི་ལམ་ཁ་ནས་ཨ་ནིའི་དགོན་པ་ལ་སླེབས་དུས་མོ་ཊ་བཏང་མཁན་ལ་དེར་ཁ་ཁོགས་རོགས་ཅེས་ལབ་པ་ཡིན། ཨ་ནི་དགོན་པ་ལ་ནང་མི་སོགས་ཀྱི་ཆེད་དུ་ཞལ་འདེབས་ཕུལ་བ་ཡིན།

    ཨ་ནི་དགོན་པ་ནས་ལམ་ཆུང་བརྒྱུད་གཙུག་ལག་ཁང་ལ་འགྲོ་དུས་ཀི་རྟི་དགོན་པ་ལ་སླེབས་སོང་། ཀི་རྟི་དགོན་པའི་ནང་ཕྱིན་ནས་ཞལ་འདེབས་ཕུལ་བ་ཡིན། གང་ཙམ་སོང་རྗེས་ཨ་མ་ལགས་ང་གཉིས་གཙུག་ལག་ཁང་ལ་སླེབས་སོང་། ཡིན་ཡང་ཨ་མ་ལགས་ང་གཉིས་སྔོན་ལ་གླིང་སྐོར་ལ་ཕྱིན་པ་ཡིན།

     ལྷ་རྒྱལ་རི་ནས་ཨ་མ་ལགས་ང་གཉིས་ཀྱིས་བསང་ཕུལ་བ་ཡིན། གང་ཡིན་ཟེར་ན་ལྷ་བབ་དུས་ཆེན་ཡིན་པས་སྨོན་ལམ་ཡང་མང་པོ་བརྒྱབ་པ་ཡིན། གླིང་སྐོར་གཅིག་བརྒྱབ་ཚར་རྗེས་གཙུག་ལག་ཁང་ལ་སླེབས་སོང་། གཙུག་ལག་ཁང་ལ་ཕྱིན་ནས་དང་པོ་བསང་ཕུལ་བ་ཡིན། དེ་ནས་ཆོས་མཇལ་ཞུས་པ་དང་གཙུག་ལག་ཁང་ལ་སྐོར་ར་གསུམ་བརྒྱབ་རྗེས་ཁྲོམ་ལ་ཕྱིན་པ་ཡིན། ཁྲོམ་ནས་ཚལ་དང་ཀུ་ཤུ་ལ་སོགས་ཉོས་པ་ཡིན། ནང་ལ་ལོག་ཡོང་དུས་ཞོར་ལ་ལ་ཕིང་ཡང་ཉོས་པ་ཡིན།

སློབ་གྲྭ་ལ་beybladeའཁྱེར་བ།

༄༅།། མི་ཚང་ཞིག་ནང་བུ་གཉིས་ཡོད། ཁོ་གཉིས་ཉིན་མ་རྟག་པར་རྩེད་མོ་རྩེས་ནས་བསྡད་ཀྱི་ཡོད། ཉིན་མ་གཅིག་ཨ་མས་ཁོ་གཉིས་སློབ་གྲྭར་བཏང་བ་རེད། ཁོ་གཉིས་སློབ་གྲྭར་འགྲོ་དུས་ཁོ་གཉིས་ཀྱི་རྩེད་ཆས་beybladeའཁྱེར་ཡོད་པ་རེད། 

    སློབ་གྲྭ་ལ་སླེབས་པའི་སྐབས་ཁོ་གཉིས་ཧང་སངས་པ་རེད། གང་ཡིན་ཟེར་ན་སློབ་གྲྭའི་ནང་ལ་ཕྲུ་གུ་མང་པོ་ཡོད་པས་ཧང་སངས་པ་རེད། དེ་རྗེས་བར་སེང་སྐབས་ཁོ་གཉིས་ཀྱིས་རྩེད་ཆས་ངོམ་བཟོ་བརྒྱབ་པ་རེད། ཕྲུ་གུ་གཞན་དག་དེ་ཚོ་ཧང་སངས་པ་དང་སེམས་པ་ཡང་ཤོར། 

    སློབ་གྲྭ་གྲོལ་ཚར་རྗེས་ཕྲུ་གུ་གཞན་པ་དེ་ཚོས་རྩེད་ཆས་དེ་དགོས་ཞེས་ཕ་མ་ལ་རྙོག་ཁྲ་མང་པོ་བཤད་པར་བརྟེན། ཕ་མ་འུ་ཐུག་ནས་རྩེད་ཆས་དེ་ཉོས་དགོས་བྱུང་པ་རེད། 

   

ཀུ་ཤུ་དང་བརྙན་འཕྲིན།

དམར་རིལ་ལྗང་རིལ་ཀུ་ཤུ་ལགས།།

བཟའ་ན་ཁ་ལ་ཞིམ་པ་དང་།།

                                     ལུས་ལ་རྫས་བཅུད་སྤྲད་མཁན་ཁྱེད།།  

                                   

                                      ང་ནི་ཁྱེད་རང་བཟའ་རྒྱུར་དགའ།།


     ཕ་མ་ཕྲུ་གུ་བརྙན་འཕྲིན་བལྟ་བར་དགའ།།

    ཕྲུ་གུའི་ལྟད་མོ་ཁྱད་མཚར་མང་པོ་འདུག།

    ལྟད་མོའི་ནང་དོན་ཡག་སྡུག་མི་ཤེས་ན།།

    ལྟད་མོ་ཡོད་ཀྱང་བརྙན་འཕྲིན་ཆོ་མེད་ཡིན།།

རྡ་རམ་ས་ལའི་གནམ་གཤིས།

༄༅།། དེང་སང་སྟོན་ཀའི་དུས་སུ་རྡ་རམ་ས་ལ་གནམ་གཤིས་ཧ་ཅང་ཁྱད་མཚར་པོ་འདུག དེ་ཡང་སྐབས་རེ་གནམ་དྭངས་པ་དང་སྐབས་རེ་ཉི་མ་ཚ་བོ་ཤར་པ། ཡང་སྐབས་རེ་ཆར་པ་བབས་པ་དང་མཉམ་དུ་སེར་ར་ཡང་བབས་ཀྱི་འདུག མཉམ་དུ་ས་ཡོམ་ཆུང་ཆུང་ཡང་བརྒྱབ་ཀྱི་འདུག གནམ་གཤིས་དེ་འདྲ་དང་ས་ཡོམ་ཡོང་དུས་ང་མགོ་རྙོག་བཅུག་སོང་།

ཤ་མོག་མོག་ལ་དགའ་བའི་བུ་ཉི་མ།

༄༅།། ཉིན་ཞིག་བུ་ཉི་མ་ཟེར་བ་ཞིག་ཡོད། ཁོ་ཉི་མ་ལྟག་པར་དགོང་དག་ཁ་ལག་ཤ་མོག་མོག་བཟའ་ཡི་ཡོད། ཉིན་མ་གཅིག་གྲོང་པ་ཁྱིམ་མཚེས་གཅིག་གིས་སང་ཉིན་ང་ཚོའི་ནང་ལ་དགོང་ཟས་ལ་ཕེབས་ཨ་ལབ་པ་རེད། སང་ཉིན་དེར་ཁོས་དེ་རིང་དགོང་ཟས་ཤ་མོག་མོག་ཡིན་པར་ཤོག་ཅེས་སྨོན་ལམ་བཏབ་པ་རེད། 

    

    དེ་ཉིན་བོད་ཟླ་ ༨ ཚེས་ ༡༥ ཡིན་པ་རེད། དགོང་མོ་ཁོ་ཚོ་གྲོང་པ་ཁྱིམ་མཚེས་དེའི་ནང་ཕྱིན་པ་རེད། གྲོང་པ་དེའི་ནང་ཁ་ལག་ཐུག་པ་བཟོ་ཡི་ཡོད་པ་རེད། བུ་ཉི་མས་ཐུག་པ་ཉུང་ཉུང་ཙམ་ལས་བཏུང་མེད་པས་གྲོད་ཁོག་ལྟོགས་ཀྱི་ཡོད་པ་རེད།

པཱ་ལགས་སྐྱེལ་བའི་ཉིན་མོ།

༄༅།། ཕྱི་ལོ་ ༢༠༡༢ ཟླ་བ་ ༩ ཚེས་ ༡༤ ཞོགས་པ་ང་ཆུ་ཚོད་བདུན་པ་ཙམ་ལ་ལངས་ནས་འཁྲུས་བརྒྱབ་པ་ཡིན། དེ་ནས་པཱ་ལགས་ཀྱི་སྐུ་ཆས་རྣམས་སྒམ་ནང་ལ་བླུག་པ་ཡིན། ཆུ་ཚོད་ཕྱེད་ཀའི་རྗེས་ལ་པཱ་ལགས་ང་ཚོ་ཞོགས་ཟས་བཟས་པ་ཡིན། ཞོགས་ཟས་བཟས་ཚར་རྗེས་པཱ་ལགས་ཀྱི་སྐུ་ཆས་རྣམས་འཁྱེར་པ་དང་མགྲོན་ཁང་སྡེ་མིག་མགྲོན་བདག་ལ་ཕར་སློག་པ་ཡིན། 
     དེ་ནས་པཱ་ལགས་ང་ཚོ་མོ་ཊའི་ནང་ཕྱིན་པ་ཡིན། མོ་ཊའི་ནང་ཆུ་ཚོད་གཅིག་ཙམ་ཕྱིན་པའི་རྗེས་ང་ཚོ་གནམ་ཐང་ལ་སླེབས་གྲབས་ཡོད་པའི་སྐབས་གནམ་གྲུ་ཁ་ཤས་གནམ་ལ་འཕུར་བ་དང་ཁ་ཤས་མར་བབས་ཀྱི་འདུག ངས་ད་དུང་གནམ་གྲུ་༼Kingfisher༽རྟགས་ཅན་གྱི་གནམ་གྲུ་མཐོང་སོང་།
   

སློབ་ཕྲུག་སྤྱོད་པ་ཡག་པོ་གཅིག་དང་སློབ་ཕྲུག་རྫུན་བཤད་མཁན་གཅིག

༄༅།། སློབ་གྲྭ་ཞིག་ནང་སློབ་ཕྲུག་སྤྱོད་པ་ཡག་པོ་གཅིག་དང་སློབ་ཕྲུག་རྫུན་བཤད་མཁན་གཅིག་ཡོད། སློབ་ཕྲུག་རྫུན་བཤད་མཁན་གྱི་མིང་ལ་ཟླ་བ་ཟེར་བ་དང་སློབ་ཕྲུག་སྤྱོད་པ་ཡག་པོ་དེའི་མིང་ལ་དོན་གྲུབ་ཟེར། ཉིན་མ་གཅིག་དོན་གྲུབ་ཀྱིས་ཟླ་བ་ལ་རྒན་ལགས་ཀྱིས་ནང་ལས་ག་རེ་བསྐུར་སོང་ལབ་པས། ཟླ་བས་ཁོ་ལ་རྫུན་བཤད་དགོས་སྙམ་ནས་ནང་ལས་གཟའ་སྐར་སྐོར་དང་དབྱིན་ཇི་(under)ལ་ཚིག་གྲུབ་བཅུ། ཨང་རྩིས་སྦྱོང་ཚན་༩.༡ནས་༩.༥བར་བྲིས་རྒྱུ་བཅས་བསྐུར་སོང་ལབ་པ་རེད། དོན་གྲུབ་གྱིས་ཧུར་ཐག་ངང་བྲིས་ནས་རྒན་ལགས་ལ་སྟོན་པས་རྒན་ལགས་མཉེས་པོ་བྱུང་ནས་ཁོ་ལ་རྔན་པ་སྤྲད་པ་རེད། ཟླ་བ་ཧོན་ཐོར་ནས་ཕྲག་དོག་སྐྱེ་ནས་ཁོ་ལ་ལབ་པ་རྣམས་བྲིས་ནས་སང་ཉིན་དེར་རྒན་ལགས་ལ་སྟོན་སྐབས། རྒན་ལགས་ཀྱིས་ག་རེ་བྱས་ནས་བྲིས་པ་ཡིན་ཞེས་གསུང་པས། ཁོས་གནས་ལུགས་ཚང་མ་བཤད་པས་རྒན་ལགས་ཀྱིས་ཁོ་ལ་ཉེས་པ་བཏང་བ་རེད། སྒྲུང་དེའི་ནང་དོན་གཙོ་བོ་ནི་རྫུན་བཤད་རྒྱུ་མེད་པ་དེ་ཡིན།། །།

དོམ་རྒན་དང་མི།

༄༅།། སྔོན་ས་ཆ་སྐྱིད་པོ་ཞིག་ལ་མི་གཅིག་ཡོད། ཉིན་མ་རྟག་པར་ཁོའི་སེམས་ནང་ང་ལ་མེ་མདའ་རྫིག་པོ་ཞིག་རག་ན་སྙམ་གྱི་ཡོད། ཉིན་མ་གཅིག་ཁོ་ལ་དངུལ་མེད་པར་རྟེན་ཤིང་སྡོང་གཅིག་གཅད་པར་སོང་བ་རེད། ཤིང་སྡོང་གཅིག་བཅད་ནས་ཁོས་གྲུ་གཟིངས་ཤིག་བཟོས་པ་རེད། གྲུ་གཟིངས་དེ་མི་ཕྱུག་པོ་ཞིག་གིས་ཉོས་པ་རེད།

ཨ་ཅག་ལགས་ཐུག་འཕྲད།

མ་སུ་རིའི་ལྷ་གསོལ་རིའི་རྩེ་ལ་ཨ་མ་ལགས་དང་པཱ་ལགས། ཨ་ཅག་ལགས། ང་བཅས།

 ༄༅།། ང་ཚོ་ཨ་ཅག་ནོར་འཛིན་ལགས་ཐུག་པར། སྤྱི་ཟླ་ ༧ ཚེས་ ༢༧ དགོང་མོའི་ཆུ་ཚོད་ ༨ པ་ཙམ་ལ་སྤྱི་སྤྱོད་རླངས་འཁོར་(Lashimi)ནང་ཕྱིན་པ་ཡིན། སང་ཉིན་ཞོགས་པ་ཆུ་ཚོད་ ༧ པ་ཙམ་ལ་ངའི་ཨ་ཅག་ནོར་འཛིན་ལགས་ཀྱི་སློབ་གྲྭ་ལ་སླེབས་སོང་། དེ་དུས་ཆར་པ་སིམ་སིམ་བབས་ཀྱི་འདུག དེ་ནས་སྐར་མ་ཁ་ཤས་རྗེས་ལ་བུ་མོའི་སྡོད་ཁང་ནང་ཕྱིན་པ་ཡིན། དེ་དུས་བུ་མོའི་སྡོད་ཁང་ནང་གི་བུ་མོ་ཚང་མ་ཞོགས་ཟས་བཟའ་བ་དང་མཉམ་དུ་གསར་འགྱུར་ཡང་བལྟ་ཡི་འདུག སྐར་མ་གཅིག་གི་རྗེས་ལ་ངའི་ཨ་ཅག་ནོར་འཛིན་ལགས་སླེབས་སོང་། ཆུ་ཚོད་ཕྱེད་ཀ་ཙམ་རིང་ཨ་ཅག་ལགས་ལ་གཞག་རྒྱུའི་ཅ་ལག་རྣམས་བཞག་པ་ཡིན། སྐར་མ་ཁ་ཤས་རྗེས་ལ་པཱ་ལགས་ང་གཉིས་ཨ་ཅག་ནོར་འཛིན་ལགས་ཀྱི་སློབ་གྲྭའི་ཉེ་འགྲམ་ལག་ཤེས་སློབ་གྲྭ་ལ་ཕྱིན་པ་ཡིན། ངའི་ཨ་ཅག་ནོར་འཛིན་ལགས་གློག་ཀླད་ཡིག་ཚད་གཏང་བར་ཕྱིན་སོང་།

དོན་གྲུབ་གླིང་གི་སྟོན་པའི་སྐུ་བརྙན་མདུན།

 

 

 

ཆུ་ཚོད་གསུམ་གྱི་རྗེས་ལ་ངའི་ཨ་ཅག་ལགས་ཡིག་ཚད་བཏང་ཚར་བས་ང་ཚོ་དགོས་མཁོ་རྣམས་འཁྱེར་ནས་དོན་གྲུབ་གླིང་(Clementown)ལ་ཕྱིན་ཏེ་སྔ་ས་ནས་མངགས་པའི་མགྲོན་ཁང་ནང་བསྡད་པ་ཡིན། མགྲོན་ཁང་ནང་ལ་ཉལ་ཁྲི་གསུམ་དང་རླུང་འཁོར། བརྙན་འཕྲིན་བཅས་ཡོད་པ་མ་ཟད་ཐབ་ཆས་རང་འགྲིག་གི་ཐབ་ཚང་ཆེན་པོ་ཞིག་དང་ཁྲུས་ཁང་བཅས་མཐུན་རྐྱེན་ཚང་མ་འདུག

དཔེ་མཛོད་ཁང་དང་རྩི་ཤིང་།

དཔེ་མཛོད་ཁང་ནི་རྒྱ་ཆེ་ཞིང་།།

གཡས་གཡོན་གང་སར་རྩི་ཤིང་མང་།།
ཁ་ཕྱོགས་བཞི་ལ་མཆོད་རྟེན་བརྒྱད།།
མདུན་ལ་སློབ་ཚན་འཁྲིད་ས་མང་།།

           ས་ཕྱོགས་གང་སར་རྩི་ཤིང་མང་།།
         རྩི་ཤིང་ཁ་ཤས་རྩྭ་སྨན་ཡིན།།
         ཤིང་སྡོང་མང་པོ་བཅད་པ་ན།།
         ཆུ་ལོག་མང་པོ་བརྒྱབ་ཀྱི་རེད།།

བུ་ཉི་མས་དོན་གྲུབ་ལ་མགོ་སྐོར་བཏང་བ།

༄༅།། གནའ་སྔ་མོ་བུ་ཉི་མ་ཟེར་བ་ཞིག་ཡོད། ཉིན་ལྟར་དོན་གྲུབ་ཀྱིས་ཁོ་ལ་མགོ་སྐོར་གཏོང་གི་ཡོད། ཉིན་མ་གཅིག་ཁོས་བསམ་བློ་བཏང་ནས་འཕྲུལ་འཁོར་རྫུན་མ་གཅིག་བཟོས་པ་རེད། འཕྲུལ་འཁོར་དེའི་མིང་ལ་མེ་སྒྱོགས་ཟེར། དེ་རྗེས་ཁོས་ཁོར་རང་གི་གྲོགས་པོ་སྐད་བཏང་བ་རེད། ཁོས་གྲོགས་པོ་དེ་ལ་ཤིང་སྡོང་སྐམ་པོ་མང་པོའི་འོག་ལ་འབར་རྫས་བཞག་པ་དང་མཉམ་དུ་མེ་སྤར་སའི་ཐག་པ་ཡང་འཁྲིད་ལབ་པ་རེད། དེ་ནས་ཁོའི་གྲོགས་པོ་དེ་མགྱོགས་མྱུར་ངང་ཕྱིན་ནས་ཁོས་ལབ་པ་རྣམས་བྱས་པ་རེད། དེ་ནས་ཁོ་གཉིས་ངལ་གསོ་བརྒྱབ་པ་རེད། ཆུ་ཚོད་ ༡ གི་རྗེས་ལ་ཁོའི་གྲོགས་པོ་དེས་ཐག་པ་དེ་ལ་མེ་སྤར་ཆེད་གྲ་སྒྲིག་བྱས་པ་རེད།

ཉིན་ཐོ། ༢༠༡༢།༧།༡

༄༅།། ཞོགས་པ་ཕལ་ཆེར་ཆུ་ཚོད་ ༨ ཙམ་ལ་ལངས་ནས་དབྱིན་ཇིའི་སྒྲུང་དེབ་(Wendy The fox)ཀློག་པ་ཡིན། དེ་ནས་བརྙན་འཕྲིན་ཏོག་ཙམ་བལྟ་བ་ཡིན། ངའི་ཨ་མ་ལགས་ཕྱག་ལས་རྣམས་ཚར་བས་ང་ཚོས་བག་ལེབ་བཟས་པ་ཡིན། ངས་ཁ་ལག་མགྱོགས་པོ་བཟས་ཚར་དུས་གཟུགས་པོ་བཀྲུས་པ་ཡིན། ང་གཟུགས་པོ་བཀྲུས་ཚར་བ་དང་པཱ་ལགས་ཀྱིས་ང་ལ་སོ་བཀྲུས་ཀྱི་མིན་པས་གསུངས་སོང་། ངས་དྲན་པ་བརྗེད་པའི་རྐྱེན་གྱིས་ཡང་བསྐྱར་གསང་སྤྱོད་ནང་འཛུལ་ནས་སོ་བཀྲུས་དུས་ནང་མི་ཚང་མ་སོ་བཀྲུས་སོང་།


ང་སོ་བཀྲུས་ཚར་རྗེས་ཤེས་བྱ་བྱིས་པའི་དགའ་བསྐྱེད་ཀྱི་ནང་ནས། བར་སྣང་འདུ་ཁང་ཀློག་པ་ཡིན། སྐར་མ་ཁ་ཤས་རྗེས་ལ་ང་ཚོ་གསུམ་(pink house)ལ་སྐུ་ཞབས་བློ་བཟང་སྨོན་ལམ་ལགས་སྐད་བཏང་བར་ཕྱིན་པ་ཡིན། པཱ་ལགས་དང་ཨ་མ་ལགས་ཀྱིས་ང་ལ་སྐུ་ཞབས་སྨོན་ལམ་སྐད་བཏང་གསུང་སོང། ངས་སྐད་བཏང་བ་ཡིན། སྐུ་ཞབས་སྨོན་ལམ་སྐད་བཏང་དུས་སྐུ་ཞབས་གཞན་དག་ཅིག་དང་མཉམ་དུ་འདུག ཁོང་བླ་མ་རེད་ཟེར་གྱི་འདུག །

རླུང་འཁོར།

༄༅།། དེང་སང་མི་ཚང་མང་ཆེ་བའི་ནང་ལ་རླུང་འཁོར་འདུག རླུང་འཁོར་ནི་འཕྲུལ་ཆས་རིགས་ཤིག་ཡིན། རླུང་འཁོར་ནང་ལོགས་ལ་ཁ་མདོག་མི་འདྲ་བ་ཡོད་པ་དང་བཟོ་གྲྭ་རིགས་སྣ་ཚོགས་དང་ཆེ་ཆུང་མང་པོ་ཡོད། 

ཉིན་ཐོ།

༢༠༡༢།༦།༤

༄༅།། དེ་རིང་སྐྱོ་སྣང་ལྡན་པའི་ཉིན་མ་དེ་ལ་ང་ཚོ་ཞོགས་པ་སྔ་པོ་ནས་ཡར་ལངས་ཏེ་གླིང་སྐོར་བརྒྱབ་པ་ཡིན། གླིང་སྐོར་ཕྱིན་ཚར་རྗེས་ང་ཚོ་གསུམ་གཙུག་ལག་ཁང་ལ་ཕྱིན་ནས་མཆོད་འཇལ་ཞུ་བ་དང་གསེར་ཀོང་བརྗེས་པ་ཡིན། དེ་ནས་ང་ཚོ་བརྒྱ་མཆོད་འབུལ་བར་ཕྱིན་དུས་བརྒྱ་མཆོད་ཚང་མ་ཕུལ་ཚར་ཡོད་པས་ང་ཚོ་ཆུ་ཚོད་གཉིས་ཙམ་བསྒུགས་པ་ཡིན། ཆུ་ཚོད་གཉིས་ཙམ་བསྒུགས་ཚར་རྗེས་གཞི་ནས་མཆོད་ཀོང་ཕྱིས་རྒྱུའི་དུས་ཚོད་སླེབས་སོང་། མཆོད་ཀོང་མང་ཆེ་བ་ཕྱིས་ཚར་རྗེས་ཨ་མ་ལགས་དང་ཨ་ཅག་ལགས། ང་བཅས་ཀྱིས་བརྒྱ་མཆོད་ཕུལ་བ་ཡིན།

འབུ་ཆ་ག་པ།

༄༅།། གནའ་སྔ་མོ་སྤོ་སྤོ་ལགས་དང་རྨོ་ལགས་གཅིག་ཡོད། ཉིན་མ་རྟག་པར་ཁོང་གཉིས་ཀྱི་ཞིང་ཁ་ལ་གནོད་འཚེ་མང་པོ་ཡོང་གི་ཡོད།   ཉིན་མ་གཅིག་ཞིང་ཁ་ལ་གནོད་འཚེ་གཏོང་མཁན་འབུ་ཆ་ག་པ་ཡིན་པ་རྟོགས་པས་ཁོང་ཁྲོ་ལངས་ཐག་ཆོད་ནས་ཁྲོམ་ལ་འབུ་སྨན་ཉོ་བར་ཕྱིན་པ་རེད།  འབུ་སྨན་དེ་ཡི་དུས་ཚོད་ལ་མ་བལྟས་ནས་ཉོས་པ་རེད།  ནང་ལ་སླེབས་དུས་མགྱོགས་མྱུར་ངང་ཞིང་ཁའི་ནང་འབུ་སྨན་བརྒྱབ་པ་རེད།  འབུ་སྨན་དེ་དུས་ཚོད་ཡོལ་ཡོད་པས་ནུས་པ་མ་ཐོན་ནས་འབུ་གཅིག་ཀྱང་བསད་མ་ཐུབ་པ་རེད། 

ངའི་སེམས་ཅན་དགའ་ཤོས།

༄༅།། ངའི་སེམས་ཅན་དགའ་ཤོས་ནི་གཡག་ཡིན། གཡག་ནི་ས་ཆ་མཐོ་བོ་དང་། གནམ་གཤིས་གྲང་ས་ལ་འཚོ་གནས་ཐུབ་ཀྱི་ཡོད། རྒྱུ་མཚན་ནི་གཡག་ལ་གྲང་ངར་ཐུབ་པའི་རྩིད་པ་མཐུག་པོ་ཡོད་པ་མ་ཟད་ཁྲག་ནང་ལ་དམིགས་བསལ་གྱི་སྲོག་འཛིན་རླུང་ཡོད་པས། བུ་ཡུག་དྲག་པོའི་ནང་དབུགས་གཏོང་ལེན་དང་གྲང་ངར་ལ་བཟོད་སྲན་ཐུབ་ཀྱི་ཡོད།

ཉིན་ཐོ།

ཕྱི་ལོ་༢༠༡༢ཟླ་བ་༥ཚེས༢༦ཉིན་བྲིས།

༄༅།། དེ་རིང་ནི་དབྱར་ཁའི་ཉིན་བཅུའི་གུང་སེང་སླེབས་པའི་ཉིན་མཐའ་མ་འདི་རེད། དེ་རིང་ཞོགས་པ་ང་འཛིན་གྲྭའི་སྒོ་འཛུལ་མ་ཐག་ངའི་འཛིན་གྲོགས་ཚོས་དགའ་བའི་རྣམ་འགྱུར་དང་བཅས་ང་ལ་ཐལ་མོ་བརྡབས་བྱུང་། ཁོ་ཚོས་ང་ལ་དེ་ལྟར་བྱས་པར་ང་དགའ་བྱུང་།

ངའི་སློབ་གྲྭ།

༄༅།། ངའི་སློབ་གྲྭའི་མིང་ལ་གངས་སྐྱིད་མེས་དབོན་གཙུག་ལག་དཔེ་སྟོན་སློབ་གྲྭ་ཟེར། སློབ་གྲྭའི་ནང་སློབ་ཕྲུག་ཉིས་བརྒྱ་བཅུ་མེད་བདུན་ཙམ་ཡོད་པ་དང་། དགེ་ཆེ་གཅིག་དང་དགེ་རྒན་ལས་བྱེད་ཉི་ཤུ་རྩ་ལྔ་ཡོད། འཛིན་ཁང་བཅུ་གཅིག་དང་། གསང་སྤྱོད་ལྔ། ཐབ་ཚང་གཅིག གསོལ་ཚིགས་ཁང་གཅིག རོལ་ཆ་ཁང་གཅིག གློག་ཀླད་ཁང་གཅིག ཡིག་ཚང་དང་དགེ་རྒན་བཞུགས་ས་གཅིག ཨ་ཅག་མ་མའི་ཇ་བཟོ་སའི་ཁང་མིག་གཅིག་བཅས་ཁྱོན་བསྡོམས་ཁང་མིག་ཉི་ཤུ་རྩ་གཉིས་དང་རྩེད་ཐང་གཅིག་ཡོད།

ཤེལ་རིལ་དང་ཟླ་དཀར།

ཤེལ་རིལ་དཀར་ཆུང་དེ་ཚོ།།

ང་ཡི་རྩེ་གྲོགས་བཟང་པོ།།

ཕར་འཕར་ཚུར་འཕར་བྱས་ནས།།

བདག་བློའི་འདོད་པ་ཁེངས་སོང་།།

ཁྱི་ནག་རིལ།

༄༅།། ཁྱི་ནག་རིལ་ནི་ངའི་ནང་གི་སྒོ་འགྲམ་དུ་སྡོད་ཀྱི་ཡོད། ནག་རིལ་ནི་ང་ཆུང་ཆུང་སྐབས་ནས་ཡོད། དེ་དུས་ང་ནག་རིལ་ལ་ཞེད་ཀྱི་ཡོད། ང་ཚོ་ས་ཆ་ག་པར་ཕྱིན་ནའང་ནང་ལ་ཡོང་དུས་ནག་རིལ་གྱིས་ང་ཚོ་ལ་གཞུ་གུ་གཡུག་གཡུག་བྱེད་ཀྱི་རེད།



        ནག་རིལ་རྟག་ཏུ་ནང་གི་སྒོ་འགྲམ་དུ་བསྡད་ནས་སྒོ་སྲུང་གི་འདུག ད་དུང་ང་ཚོ་གནས་ཆུང་ལ་འགྲོ་དུས་མཉམ་དུ་ཡོང་གི་འདུག ནག་རིལ་གྱི་ཁ་མདོག་ནི་ནག་པོ་རེད། ནག་རིལ་ལ་གྲོགས་པོ་ཉུང་ཉུང་ལས་མེད། ད་དུང་ཁྱི་གཞན་པས་ང་ལ་རྨུག་པར་ཡོང་ན། ནག་རིལ་གྱིས་ང་ལ་རྨུག་པར་ཡོང་མཁན་གྱི་ཁྱི་དེ་དེད་ཤར་གཏོང་གི་རེད། 

ཉིན་ཐོ།

༢༠༡༢།༥།༦

༅༅།། དེ་རིང་བོད་ཚེས་བཅོ་ལྔ་ཡིན་ལ་གཟའ་ཡང་ཉི་མ་ཡིན་ཙང། ང་ནམ་རྒྱུན་དང་མི་འདྲ་བ་ཆུ་ཚོད་བརྒྱད་དང་ཕྱེད་ཀ་ཙམ་ལ་ལངས་པ་ཡིན། དེ་རྗེས་ཞོགས་པ་ཁ་ལག་བཟའ་དུས་མཉམ་དུ་ལྟད་མོ་འཁྱགས་རོམ་དུས་རབས་(Ice age)བལྟས་པ་ཡིན། ལྟད་མོ་བལྟ་བར་ཆུ་ཚོད་གཅིག་དང་ཕྱེད་ཀ་འགོར་སོང། ལྟད་མོ་བལྟས་ཚར་རྗེས་ང་གཟུགས་པོ་བཀྲུས་པ་ཡིན། གཟུགས་པོ་བཀྲུས་ཚར་རྗེས་ངས་དབྱིན་ཇིའི་སྒྲུང་དེབ་དང་བོད་ཡིག་གི་དེབ་གཅིག་ཀློག་པ་ཡིན། དེ་རྗེས་པཱ་ལགས་ལ་ཁ་པར་བཏང་པ་ཡིན།

རྒྱ་སེ་མེ་ཏོག་ནག་པོ།

༅༅།། ད་ལྟའི་དུས་ཚོད་དེ་ལ་གཡས་གཡོན་གང་སར་རྒྱ་སེ་མེ་ཏོག་མཐོང་རྒྱུ་འདུག རྒྱ་སེ་མེ་ཏོག་ལ་ཁ་མདོག་དམར་པོ་དང་ཟིང་དཀར། དཀར་པོ། སེར་པོ། ལི་ཝང་བཅས་ཡོད། རྒྱ་སེ་མེ་ཏོག་སྡོང་པོ་དང་ཡལ་ག་གང་སར་ཚེར་མ་ཆུང་ཆུང་རྣོ་པོ་མང་པོ་ཡོད། རྒྱ་སེ་མེ་ཏོག་གི་དྲི་མ་ནི་མེ་ཏོག་ཚང་མ་ནང་ནས་ཞིམ་ཤོས་རེད། རྒྱ་སེ་མེ་ཏོག་ལ་ལོ་མ་ལྗང་ཁུ་ཆུང་ཆུང་ཧ་ཅང་མང་པོ་ཡོད། རྒྱ་སེ་མེ་ཏོག་ལ་སོན་མེད། རྒྱ་སེ་མེ་ཏོག་ཁོ་རང་གི་ཡལ་ག་བཏུབ་ནས་བཏབ་ཀྱི་ཡོད། རྒྱ་སེ་མེ་ཏོག་ཡལ་དུས་འབྲུ་དམར་པོ་བྱུ་རུ་འདྲ་པོ་ཆུང་ཆུང་དེ་འདྲ་འདུག མི་ཁ་ཤས་ཀྱིས་རྒྱ་སེ་མེ་ཏོག་དཀོན་མཆོག་ལ་ཕུལ་གྱི་འདུག ལྟད་མོའི་ནང་ལ་རྒྱ་སེ་མེ་ཏོག་ཆང་ས་དང་ལག་རྟགས་ལ་བེད་སྤྱོད་བྱེད་ཀྱི་འདུག རྒྱ་སེ་མེ་ཏོག་གིས་བཟོས་པའི་ཆུ་དྲི་མ་ཞིམ་པོ་འདུག ངས་(ཤེས་བྱ་བྱིས་པའི་དགའ་སྐྱེད་)ཀློག་དུས་རྒྱ་སེ་མེ་ཏོག་གི་སྣུམ་བཟོས་ཀྱི་ཡོད་པ་ཤེས་སོང་། ཧང་སངས་དགོས་པ་ཞིག་ལ་དེ་རིང་ངས་དྲ་རྒྱའི་ནང་ནས་རྒྱ་སེ་མེ་ཏོག་ནག་པོ་མཐོང་སོང་། ངས་ད་བར་རྒྱ་སེ་མེ་ཏོག་མང་པོ་མཐོང་ཡང་ནག་པོ་གཅིག་ཀྱང་མཐོང་མྱོང་མེད།། །།

ངའི་གྲོགས་པོ་ཡག་ཤོས།

༅༅།། ངའི་གྲོགས་པོ་ཡག་ཤོས་མིང་ལ་ཀུན་ཁྱབ་ཟེར།  ཀུན་ཁྱབ་ལགས་ནི་སློབ་སྦྱོང་ཡག་པོ་ཡོད།  ད་ལྟ་ངའི་གྲོགས་པོ་ཀུན་ཁྱབ་ལགས་རྡ་ཤོད་བོད་ཁྱིམ་སློབ་གྲྭ་ལ་ཡོད།  ཀུན་ཁྱབ་ལགས་འཛིན་གྲྭ་གསུམ་པ་རེད། ང་དང་ཀུན་ཁྱབ་ལགས་བུ་བཅོལ་ཁང་ནས་འཛིན་གྲྭ་གསུམ་པ་བར་སློབ་གྲྭ་གཅིག་པ་རེད། ཀུན་ཁྱབ་ལགས་ནི་སྤྱོད་པ་ཡག་པོ་ཡོད། ཡང་ཀུན་ཁྱབ་ལགས་ Game Boyརྩེས་གནང་འགྱུར་མཉེས་པོ་ཡོད།

གྲོགས་པོ་གསུམ།

    ༅༅།། གནའ་སྔ་མོ་སློབ་ཕྲུག་རྩིས་ཡག་པོ་བརྒྱབ་མི་ཐུབ་མཁན་ཞིག་ཡོད། ཉིན་མ་གཅིག་སློབ་ཕྲུག་རྩིས་ཡག་པོ་བརྒྱབ་ཐུབ་མཁན་ཅིག་གིས་རྩིས་ཡག་པོ་བརྒྱབ་མི་ཐུབ་མཁན་ལ། གཅིག་སྒང་ལ་གཉིས་སྡོམ་ན་ག་ཚོད་རེད། ཅེས་ལབ་པ་རེད། རྩིས་ཡག་པོ་བརྒྱབ་མི་ཐུབ་མཁན་དེས། གྲོགས་པོ་གསུམ་རེད། ཅེས་ལབ་པ་རེད།

རྩིས་ཡག་པོ་བརྒྱབ་ཐུབ་མཁན་དེ་གད་མོ་ཤོར་ཐག་ཆོད་པ་རེད། ཁྱེད་ཀྱིས་ལན་བརྒྱབ་པ་དེའི་ནང་འཕར་མ་སླེབས་འདུག་ལ་འགྲིག་འདུག ཅེས་བཤད་པ་རེད། རྩིས་ཡག་པོ་བརྒྱབ་མི་ཐུབ་མཁན་དེས་འཕར་མ་ག་རེ་སླེབས་སོང་། ག་རེ་འགྲིག་སོང་ཞེས་ལབ་པ་རེད། རྩིས་ཡག་པོ་ཡོད་མཁན་དེས་འཕར་མ་དེ་གྲོགས་པོ་དང་འགྲིག་པ་དེ་གསུམ་རེད། ཅེས་ལབ་པ་རེད།

ཡང་མི་གཅིག་སླེབས་པ་རེད། མི་དེས་དེ་རིང་ཨ་རག་བཏུང་གི་ཡིན། ཞེས་ལབ་པ་རེད། ཁོང་ཚོ་ཨ་རག་འཐུང་བར་ཕྱིན་པ་རེད། ཨ་རག་བཏུང་ཚར་པའི་རྗེས། མི་གཅིག་གིས་གཅིག་སྒང་གཉིས་སྡོམ་ན་ག་ཚོད་རེད་ཅེས་ལབ་པ་རེད། དེ་ལ་ཡང་། གྲོགས་པོ། གསུམ་རེད།  ཅེས་ལབ་པ་རེད། ཨང་རྩིས་ནང་ལན་ཏག་ཏག་བརྒྱབ་ན། གྲོགས་པོ་ཟེར་བ་དེ་ཡོད་མ་རེད། ཡིན་ནའང་། ང་ཚོས་དེ་འདྲ་ལབ་ཀྱི་ཡོད་རེད།། །།