༅༅།། དུས་ཚོད་ནི་བྲེལ་འཚུབ་ངང་། ན་བུན་དང་མཚུངས་པར་ཉི་གཞོན་གྱིས་ཡལ་བར་བྱེད་པ་ལྟར་འགྲོ་དུས། ངས་ནང་ལས་ཚང་མ་མགྱོགས་པོ་བྱེད་པ་དང་། ད་དུང་ཤེས་བྱའི་གནད་དེ་ཚོ་ཡག་པོ་རྟོགས་པ་བྱེད་ཀྱི་ཡོད། ཡང་དུས་ཚོད་ནི་སྐད་ཅིག་ཙམ་ཡང་མི་ལྷོད་པར་བྲེལ་འཚུབ་ངང་འགྲོ་དུས། སྐར་ཆ་ནས་སྐར་མ། སྐར་མ་ནས་ཆུ་ཚོད། ཉིན་མ་ནས་ཟླ་བ། ཟླ་བ་ནས་ལོ་བཅས་ཇི་ལྟར་འགྲོ་བ་མི་ཤེས།
ད་དུང་དུས་ཚོད་མང་པོ་ཡོད་དུས་ལེ་ལོ་བྱས་ནས་བསྡད་ན། མ་འོངས་པར་ཤེས་བྱ་ཅི་ཡང་ཤེས་མི་ཐུབ། དུས་ཚོད་ནི་གསེར་དངུལ་ལས་ལྷག་པ་ཡིན། དུས་ཚོད་ལ་རིན་གོང་སྤྲད་དེ་ཉོ་རྒྱུ་མེད། མ་ཟད་དུས་ཚོད་ལ་ལག་གཉིས་ཐལ་མོ་སྦྱར་ཏེ་སྒུགས་དང་ལབ་རྒྱུ་མེད།
ང་ཚོས་ཆུང་དུས་སྐབས་སློབ་སྦྱོང་མ་སྦྱངས་པར་དུས་ཚོད་འཕྲོ་བརླག་བཏང་ནས་བསྡད་པ་ཡིན་ན། རྗེས་མ་ང་ཚོ་ཆེན་པོ་ཆགས་དུས་རྒྱལ་ཁབ་ཀྱི་ཆེད་དུ་ཕན་ཐོགས་ག་རེ་བྱེད་དམ།། །།
No comments:
Post a Comment