སྙིགས་ཟས།

  ༄༅།། སྙིགས་ཟས་ཞེས་པ་དེ་ནི་ཁ་ལག་ཡིན་ཞིང། དེ་ཁ་ལག་སྡུག་པའི་རིགས་གཅིག་རེད། སྙིགས་ཟས་ཀྱི་ཁ་ལག་རྣམས་གཟུགས་པོར་ཡག་པོ་མེད། རྒྱུ་མཚན་ནི་སྙིགས་ཟས་ནང་ཞགས་ཚིལ་དང། མངར་ཆ། ཚྭ། སོགས་མང་པོ་ཞེ་དྲགས་བླུགས་ཡོད། ད་དུང་སྙིགས་ཟས་མང་པོ་བཟས་ན། མི་ཤ་རྒྱགས་པ་དང། མདོག་ཉེས། ཁ་མང་པོ་སྐོམ་པ། གཅིན་པ་མང་པོ་བྲོ་བ། ན་ཚ་སྡུག་ཅག་དེ་འདྲ་ན་བ་སོགས་ཆགས་ཀྱིས་རེད།

   སྙིགས་ཟས་མང་ཆེ་བ། མགྱོགས་ཟས་དང། མངར་ཆུ་རེད། དཔེར་ན། པིབ་ཛ་དང། བག་བསྒར། ཞོག་ཁོག་སྲེག་མ། མངར་ཆུ། (Pizza, burgers, French fries, sprite)སོགས་བརྒྱ་ཕྲག་མང་པོ་ཡོད། སྙིགས་ཟས་ཁ་ཤས་ལ། ཚྭ་དང་མངར་ཆ་མང་པོ་ཞེ་དྲགས་ཡོད་པས། ནང་གི་གཟུགས་པོའི་ཆུ་ཉུང་དུ་འགྲོ་བ་དང། གཅིན་པ་མང་པོ་བཏང་བབས་པ། དེ་ནས་ཁ་སྐོམ་ནས་ཡང་བསྐྱར་མངར་ཆུ་དེ་འཐུང་སྙིང་བྲོ་ཡི་ཡོད།

   ད་དུང་སྙིགས་ཟས་ཀྱིས། ལོ་གཅིག་ནང་མི་ཡི་ལྗིད་ཚད་ཀི་ལོ་ཉི་ཤུ་ལས་མང་བར་ བཏང་ཐུབ་ཀྱི་ཡོད་པ་མ་ཟད། སྙིང་གི་ན་ཚ་མང་ཆེ་བ་སྙིགས་ཟས་ནས་ཡོང་ཡོད་པ་རེད།

  

   སྙིགས་ཟས་བཟོ་མཁན་གྱི་ཁེ་ལས་སྐད་གྲགས་ཆེན་པོ་ཁ་ཤས་ནི་(KFC, MacDonald, Dominions Pizza, Subway, Cocola, Pepsi, Pizza hut) སོགས་ཡོད། ཁེ་ལས་དེ་ཚོ་རྣམས་ཀྱི་ཚོང་ཁང་དང། ཟ་ཁང་རྣམས། འཛམ་བུ་གླིང་གི་ས་ཆ་གང་སར་ཡོད། དེ་ཚོས་སྙིགས་ཟས་བཟོ་ཡི་ཡོད་པས། ཚོང་ཁང་དང། ཟ་ཁང་དེ་རྣམས་ནས་ཁ་ལག་མང་པོ་ཞེ་དྲགས་མ་བཟས་ན། ཡག་པོ་ཡོད་རེད།
 
  སྙིགས་ཟས་མང་པོ་ཞེ་དྲགས་བཟའ་དགོས་བྱུང་ན། གཟུགས་པོར་ལུས་རྩལ་མང་པོ་ཞེ་དྲགས་རྩེས་དགོས། ལུས་རྩལ་མ་རྩེ་ན། རྒྱགས་པ་ཆགས་པ་དང། ན་ཚ་ན་བ་སོགས་བྱུང་གི་རེད། ཟླ་བ་རེེར་སྙིགས་ཟས། ལྔ་དང་ལྔ་ལས་ཉུང་བ་བཟས་ནས་ལུས་རྩལ་རྩེས་ན། སྐྱོན་བརྒྱབ་ཀྱི་མ་རེད།

  

  ཚོང་ཁང་ཁ་ཤས་ནང། ཨ་མ་ལགས་ལ་ལས་ཀ་ཉུང་བ་ཟེར་བའི་རྟགས་(less work for mom ) དེ་འདྲ་ཡོད་ནའི། ཡིད་ཆེས་མ་བྱས་པར། གཡོལ་ན་ཡག་པོ་ཡོད་རེད། རྒྱུ་མཚན་ནི། ཚོང་ཁང་དེ་ཚོའི་ནང་སྙིགས་ཟས་བཙོང་གི་ཡོད་པ་མ་ཟད། ནམ་རྒྱུན་གྱི་སྙིགས་ཟས་ལས་སྡུག་པ་ཡོད་དོ།། །།