བུ་ཉི་མས་དོན་གྲུབ་ལ་མགོ་སྐོར་བཏང་བ།

༄༅།། གནའ་སྔ་མོ་བུ་ཉི་མ་ཟེར་བ་ཞིག་ཡོད། ཉིན་ལྟར་དོན་གྲུབ་ཀྱིས་ཁོ་ལ་མགོ་སྐོར་གཏོང་གི་ཡོད། ཉིན་མ་གཅིག་ཁོས་བསམ་བློ་བཏང་ནས་འཕྲུལ་འཁོར་རྫུན་མ་གཅིག་བཟོས་པ་རེད། འཕྲུལ་འཁོར་དེའི་མིང་ལ་མེ་སྒྱོགས་ཟེར། དེ་རྗེས་ཁོས་ཁོར་རང་གི་གྲོགས་པོ་སྐད་བཏང་བ་རེད། ཁོས་གྲོགས་པོ་དེ་ལ་ཤིང་སྡོང་སྐམ་པོ་མང་པོའི་འོག་ལ་འབར་རྫས་བཞག་པ་དང་མཉམ་དུ་མེ་སྤར་སའི་ཐག་པ་ཡང་འཁྲིད་ལབ་པ་རེད། དེ་ནས་ཁོའི་གྲོགས་པོ་དེ་མགྱོགས་མྱུར་ངང་ཕྱིན་ནས་ཁོས་ལབ་པ་རྣམས་བྱས་པ་རེད། དེ་ནས་ཁོ་གཉིས་ངལ་གསོ་བརྒྱབ་པ་རེད། ཆུ་ཚོད་ ༡ གི་རྗེས་ལ་ཁོའི་གྲོགས་པོ་དེས་ཐག་པ་དེ་ལ་མེ་སྤར་ཆེད་གྲ་སྒྲིག་བྱས་པ་རེད།

དེ་རྗེས་ཉི་མས་དོན་གྲུབ་སྐད་བཏང་བ་རེད། དོན་གྲུབ་སླེབས་དུས་ཁོས་དེར་བལྟ་དང་ལབ་པ་རེད། དེ་ནས་མེར་སྒྱོགས་དེ་བཏོན་ནས་ཤིང་སྡོང་སྐམ་པོ་ལ་རྫུན་མ་བརྒྱབ་པ་རེད། དེ་དུས་ལམ་སང་ཁོའི་གྲོགས་པོ་དེས་ཐག་པ་ལ་ལྐོག་ཏུ་མེ་སྤར་བས་ཤིང་སྡོང་སྐམ་པོའི་འོག་གི་འབར་རྫས་རྣམས་འབར་བ་རེད།

དེ་མཐོང་དུས་དོན་གྲུབ་ཧང་སངས་པ་རེད། དོན་གྲུབ་ཀྱིས་འཕྲུལ་འཁོར་དེ་ཧང་སངས་ཡས་ཡག་པོ་འདུག དེས་ང་ལ་བཙོང་གནང་དང་ལབ་པ་རེད། ཉི་མས་ཁྱེད་རང་ལ་དེ་དགོས་ན་ང་ལ་དངུལ་ ༡༠༠༠ སྤྲད་དགོས་ལབ་པ་རེད། ཆུ་ཚོད་གཅིག་གི་རྗེས་ལ་དོན་གྲུབ་ཀྱིས་དངུལ་ ༡༠༠༠ འཁྱེར་ནས་ཡོང་བ་རེད། དེ་ནས་ཉི་མས་བཙོང་བ་རེད།

སང་ཉིན་དེར་ཁོས་བེད་སྤྱོད་བཏང་སྐབས་འཕྲུལ་འཁོར་རྫུན་མ་དེ་ལམ་སང་འཕྲོ་བརླག་ཕྱིན་པ་རེད། དེ་ནས་དོན་གྲུབ་ལ་མགོ་སྐོར་ཐེབས་པ་རེད། །རྫོགས་སོ།། །།