༄༅།། གྲོང་གསེབ་ཆུང་ཆུང་གཅིག་ནང་མི་ཚང་གཅིག་བསྡད་ཀྱི་ཡོད། མི་ཚང་དེའི་ནང་ཕྲུ་གུ་བུ་གསུམ་ཡོད། བུ་དེ་དག་སློབ་སྦྱོང་མཁས་པོ་ཞེ་དྲག་ཡོད་ལ་སྤྱོད་ལམ་ཡང་ཨོའོ་ཙམ་ཡག་པོ་ཡོད། ཁོ་ཚོ་གསུམ་ནི་ཕན་ཚུན་ཤིན་ཏུ་བརྩེ་བས། དུས་ནམ་ཡང་འཁྲུག་པ་བརྒྱབ་ཀྱི་མེད།
ཉིན་གཅིག་ཨ་མས་ཁོ་ཚོ་གསུམ་སློབ་གྲྭ་ལ་བཏང་པ་རེད། སློབ་གྲྭ་ནང་ལ་སླེབས་དུས་ཁོ་ཚོ་གསུམ་གྱིས་རང་ཉིད་ཀྱི་འཛིན་གྲྭའི་ནང་ཕྱིན་ནས་ཡི་གེ་ཀློག་ནས་བསྡད། འཛིན་གྲྭ་འགོ་ཚུགས་མ་ཐག་རྒན་ལགས་ཀྱིས་སློབ་ཕྲུག་གསར་པ་གསུམ་ངོ་སྤྲོད་གནང་། ཁོ་ཚོ་གསུམ་གྱིས་སློབ་ཚན་ཚང་མ་ཡག་པོ་སྦྱངས་ཀྱང་ཚན་རིག་དང་འཕྲོད་བསྟེན་སློབ་ཚན་ཡག་པོ་ཁྱོན་ནས་སྦྱངས་མེད། དེ་ལྟར་ལོ་མང་སོང་བས་ཁོ་ཚོ་གསུམ་ཆེན་པོ་ཆགས། ཁོ་ཚོས་ཚོང་སྣ་ཚོགས་བརྒྱབ་ནས་ཕྱུག་པོ་ཆགས།
ཉིན་ཞིག་ཁོང་ཚོ་གསུམ་ཨར་ཁང་རྫིག་པོ་གཅིག་ནང་ཕྱིན། ཨར་ཁང་ནང་ཁོང་ཚོ་གསུམ་གྱིས་ཨ་རག་ཤེལ་དམ་གཉིས་རེ་བཏུང་། ཨ་རག་བཏུང་ཚར་རྗེས་ཁོ་ཚོ་གསུམ་ར་བཟི་བས། ནང་དུ་ལོག་སྐབས་མོ་ཊའི་ནང་འཛུལ་དུས་གཅིག་གིས་ལྷམ་ཕྱིར་ཕུད་པ་དང་གཅིག་གིས་སོ་སོའི་མགོའི་སྐྲ་ཚང་མ་ཇེམ་ཙེ་ཡིས་བཏུབ། གཅིག་གིས་སོ་སོའི་ཆུ་རས་མ་གཏོགས་གོས་ཆ་ཚང་ཕུད་ནས་ཡོང་བ་རེད།
སང་ཉིན་དེར་ཁོ་ཚོས་ཨ་རག་བཏུང་ས་རྫིག་པོ་གཅིག་ནང་ཕྱིན་ནས་ wine ཞེས་པའི་ཨ་རག་དེ་ཤེལ་དམ་གཉིས་རེ་བཏུང་། ཡང་ཁོ་ཚོ་ར་བཟི་ནས་ལོག་དུས་མི་གསུམ་ག་མགོ་ལ་ཆུ་རས་གྱོན།
དེ་ནས་ནང་ལ་ལོག་པས་ཨ་མས་ཁོང་ཚོ་མཐོང་མ་ཐག་ལམ་སེང་ཁྱེད་ཚོ་གསུམ་ད་ཡང་ཨ་རག་བཏུང་པས་ཞེས་བརྗོད་མ་ཐག་ཁོང་ཚོ་གསུམ་གྱིས་ཨ་རག་བཏུང་མེད། ང་ཚོས་ wine བཏུང་པ་ཡིན་ལབ་པས། ཨ་མ་དྲན་པ་ཐོར་བཅུག་པ་རེད།
ང་ཚོས་སློབ་ཚན་ག་རེ་ཡིན་ཀྱང་སྣང་མེད་བཞག་རྒྱུ་མེད། གལ་སྲིད་ཁྱེད་རང་གིས་སྣང་མེད་བཞག་ན་རྗེས་མ་ཆེན་པོ་ཆགས་དུས་སློབ་ཚན་མང་ཆེ་བ་ཡག་པོ་ཡོད་ཀྱང་གཅིག་རང་གཅིག་ཡག་པོ་མེད་དུས་སྐྱིད་པོ་མེད།། །།
No comments:
Post a Comment