སྤྲིན་པ་ནི་རྒྱ་མཚོ་དང་མཚོ། མཚེའུ་སོགས་ཀྱི་རླངས་པ་ནས་བྱུང་། ཇི་ལྟར་བྱུང་བ་རེད་ཟེར་ན། དང་པོ་ཉི་མའི་འོད་རྒྱ་མཚོའམ་མཚོ་ལ་ཕོག་སྟེ་རྒྱ་མཚོའི་ཆུའི་ཆ་ཤས་ཤིག་རླངས་པར་གྱུར། གཉིས་པ་རྒྱ་མཚོའི་རླངས་པ་དེ་གནམ་ལ་ཕྱིིིན་ཏེ་རླངས་པ་མང་པོ་མཉམ་དུ་འདུས་པ་ལས་སྤྲིན་པར་གྱུར་པ་རེད། ཚན་རིག་པ་ཚོས། རྒྱ་མཚོ་ནས་རླངས་པ་དང་། དེ་ལས་སྤྲིན་པ། སྤྲིན་ནས་ཆར་པ་བབས་པའི་བརྒྱུད་རིམ་ཆ་ཚང་ལ་ཆུའི་རྒྱུན་འཁོར་ཟེར།
ཡང་གྲོང་ཁྱེར་ཆེན་པོ་དེ་ཚོའི་ནང་ཆར་པ་སྐྱུར་ཆར་བབས་ཀྱི་ཡོད། སྐྱུར་ཆར་བབས་པའི་རྒྱུ་མཚན་ནི་གྲོང་ཁྱེར་ནང་བཟོ་གྲྭ་དང་མོ་ཊ་བེད་སྤྱོད་མང་པོ་བཏང་དུས་དུ་བ་བཙོག་པ་མང་པོ་ཐོན་ཏེ། དེ་ཚོས་བར་སྣང་གི་རླངས་གཟུགས་འབག་བཙོག་ཏུ་བསྒྱུར་ནས་སྐྱུར་ཆར་བབས་ཀྱི་ཡོད།
སྤྲིན་པ་ཁ་ཤས་ནག་པོ་འགྱུར་གྱི་ཡོད། གང་ཡིན་ཟེར་ན་གནམ་ལ་སྤྲིན་པ་མང་པོ་འདུས་སྐབས་སྤྲིན་པའི་ཆུ་མང་དུ་མང་དུ་སོང་ནས་སྤྲིན་པ་ནག་པོ་ཆགས་ཀྱི་ཡོད།
ང་སྤྲིན་པའི་བཟོ་ལྟ་ལ་བལྟས་ནས་དངོས་པོ་འདྲ་བོ་ཞིག་མཐོང་བ་བྱེད་རྒྱུར་དགའ་པོ་ཡོད། ཁྱེད་རང་སྤྲིན་པའི་བཟོ་ལྟ་ལ་བལྟས་ནས་དངོས་པོ་འདྲ་བོ་ཞིག་མཐོང་བ་བྱེད་རྒྱུར་དགའ་པོ་ཡོད་དམ།།
No comments:
Post a Comment